British Prime Minister Boris Johnson cu coronavirus a ngei ti an theih in ni 10 nak ah a zual deuh caah sii inn ah zoh ding in nizan Pathianni ah khan kalpi a si. Hi kong ah Johnson’s office lei nih an chimmi cu mipi sin ah ralrinnak rak peek chungnak lawng a si. Cun hi bantuk in mipi sii inn ah kan chuahpinak hi a doctor nih ruahnak a peek bantuk in hihi emergency a si lo. Mipi sin ah zeihmanh phehthuhmi umlo in um hi a ttha ti ruang ah a si tiah an chim.

A tu tiang in kum 55 a simi Johnson nih hin Prime Minister sinak cu a tlaih ko rih. A mah te lawng ai erihnak hmun Downing St. in nifatin te a herhmi meeting le hi virus dohnak caah ttuanvo a la peng rihtu a si. Kan hnu March 26 ah khan Covid-19 a si hi theih a rak si. A mah hi vawleicung ah cozah lutlai a ttuan liomi ah cun coronavirus a ngei hmasa bik a si tiah theih a si.

Kan hnu cacawn ningani ah khan ka taksa a nuam deuh ngai ko. A sinain ka khuasik hi tlawmte a tang rih ti ah a chim. U.S. President Donald Trump zong nih nizan Pathianni i White House ah biachimnak a ngeih lio ah Johnson thapeknak bia a chim. American mipi nih thla kan in cam piak ko e tiah a chim chih. Ref:ABC News