Breaking News: Zawtnak Ṭihnung Ebola Zawtnak Ngeimi Minung 50 An Cang Zawtnak A Karh Ṭhan

Thawngpang

World Health Orga­nization (WHO) nih cun vawleipi nih a rak ṭih tukmi le mi tampi nunnak a rak latu Ebola zawtnak hrik cu Democratic Republic of Congo ah le Central African Republic ramri pawngkam ah a hun i sem ṭhan tiah a thanh. Atu i Ebola zawtnak a ngeimi hi minung (50) lengkai an si cang tiah a tarlangh fawn.

FILE PHOTO: Kavota Mugisha Robert (L), a healthcare worker who volunteered in the Ebola response, stands with decontamination…

Nawlngeitu hna nih June 1 ahkhan Congo i Equater province ah Ebola zawtnak a ngei tharmi 48 an um ti a rak tarlangh i, hi hna pinah hin zawtnak a ngei ko lai tiah lunghrinhmi hna minung (3) an um chap tiah a tarlangh. Hi Ebola zawtnak a thimi hi minung (20) an tling cang tiah WHO i top emergency Expert, Dr. Mike Ryan nih cun a chim.

Congo's Ebola outbreak, now concentrated in a gold mining area ...

“Hi thil a tlungmi hi zoh sawhsawh menmen le ṭhutpi sawhsawh men ding a si lo. A si khawh chungin ikilvennak ngeih kan herh lai. Hi zawtnak a um-tlunnak hmun hi Congo tiva kam-pawngah a si i, hi hmun ah khua a sami le a chawkvakmi an tam caah zeitindah kan i kilven le humhim ding a si lai timi a lam kawl aherh taktak cang. North Kivu le hmun dangdang hi Ebola zawtnak a rak um ṭhingnak hna zong cawlcangh a ṭhat ruangah le ikilvennak a ṭhat ruangah boruak a daimi a si,” tiah Dr. Mike Ryan nih cun a chim.

Ebola outbreak in Congo is not yet international emergency ...

June 2-2020 ah Ebola zawtnak a rak karh ṭhanning kan rak ṭialmi rel chap;World Health Organization Director General Dr Tedros Adhanom Ghebreyesus nih Democratic Republic of the Congo ah Ebola zawtnak hri a karh ṭhan tiah a chim.

The second largest Ebola outbreak in history may finally be over

Ebola zawtnak a ngeimi ṭhanmi hna hi minung 6 an a si i hi chungah minung 5 nunnak an thi cang i zawtnak a ngeimi hi an dik lakin minung 6 an um tiah Congo Ministry of Health nih thanhnak a tuah. Congo Ministry of Health nih a chim ve ning ah cun an chimning ṭhan lehbang in cun Ebola zawtnak hrik hi atu bantukin zawtnak a ngei tharmi hmuh an si tikah Ebola zawtnak hi a karh ṭhan kho men tiah an chim ve.

Second Ebola outbreak confirmed in DRC after four people die

Ebola zawtnak hi saram in ichawnh khawhmi a si caah i ralrin ngaingai ahaumi zawtnak ṭihnung pakhat a si. A luan ciami May 18-19 ah khan minung a thimi cu an um nain Ebola zawtnak ruangah a si timi cu nizaan lawngah fianternak an tuah hi a si tiah UNICEF lei nih an ti. Hi hlan ah Mbandaka khua ah Ebola zawntak a ngeim paruk an um tiah WHO lutlai Dr. Tedros Adhanom Gehebreyesus nih a twitter ah a tar bal cang lai tiah CCN nih a tarlangh ve.

Chinworldnewsvening nih thawngpang kan ṭialmi hi kanmah nih kan phuah cawpmi kan ṭialmi a si lo. Reference/Credit/Source ṭha tein kan pek peng lai. Asinain minung kan ti cu tlamtlin lonak tete zong a kho mi a si caah thawngpang kan ṭialmi kan palhnak a um cun theihter khawh peng kan si. Cun, pehtlaihnak tuah duhmi nih Chinworldnewsevening page ah le J Vanduhthar Lahnin timi Facebook ah pehtlaih khawh peng kan si. Mipi sinah thawngpang thlazamh na duhmi um cun zeitik caan paoh kan i thlahzamh piak khawh zungzal hna. Kan ca a kan rel piaktu nan dihlak cungah kan ilawm. Upatnak he-Admin

Leave a Reply