Breaking News: ZAHNAKTLANG CHUNG AH CDF-THANTLANG BATTALION-4 (Zahnak Battalion) POLICE NIH HEROIN RITHAISI (No.4) AN TLAIH

Myanmar News

ZAHNAKTLANG CHUNG AH  CDF-THANTLANG BATTALION-4 (Zahnak Battalion) POLICE NIH HEROIN RITHAISI (No.4) AN TLAIH CDF-Thantlang Battalion-4 (Zahnak Battalion) Police nih 5 August 2022, zaanlei 4:30  hrawng ah Thangzang le Ruakhua lampial Check Gate ah rithaisii (heroin-No.4) 150 gram cu, Fungkah khuami Pu Za Hup le Pu Van Za Ham hna sin in an tlaih.

Hi an tlaih mi rithaisi hi a tulio rithaisii market in kyats sing zahnih (20,000,000) man hrawng a si tiah ruahdamh a si. Hi rithaisii hi Kalay lei ah an lak i Mizoram Sangau ah pek ding in an kalpi lio ah Palik nih an tlaih mi a si. Hi hna hi cu hlan zong ah a rak tuah bal mi an si i an mah he a tuahṭi mi hawi dang siseh, an theihhngalh mi rithaisii zuar dang zong Zahnaktlang chung ah an um rih tiah theih a si.

Hi tlaih mi Pu Za Hup le Pu Van Za Ham hna hi CDF-Thantlang, Battalion-4 Biaceih Zung Department of Judiciary nih an bia a ceih hna lai i aa tlak ning in sualphawtnak le dantatnak tuah ding ah timhlamh cuahmah lio asi tiah theih asi.

Thawngdang Nizaan August 5, zinglei ah Hakha-Gangaw lam ah miphun ralkap CDF-Hakha le CNA nih SAC ralhrang pawl an kah hna i atu ralhrang pathum an thih pin ah a dang pali hliamhma an pu, tiah Hakha Campaign for Justice nih thawngpang an chuah. Rungtlang ‘266’ in a rak chuakmi squad cu CDF le CNA nih (9:40 am) ah an bawh hna i an kah hna.Ralhrang (3) an thi, hliammi (4) an si tiah Hakha Campaign for Justice nih an langhter.May be an image of 3 people and outdoors

August 5 thotho ah Rungtlang Phone Tower tung ah miphun ralkap nih SAC ralhrang pawl an vung kah a thimi le hliampu an um le um lo belte theih a si lo. Timit lei ah kan miphun ralkap hna le SAC ralhrang karlak kahdohnak pehzul in a um bang in August 2 thawk in Hakha khuachung le khua kiangkap zong ah miphun ralkap nih SAC ralhrang pawl pehzul in an kah hna.

Hakha SAC palik sakhaan, Cawbuk Gate, Hakhathar Lamton le Rungtlang Phone Tower tung tibantuk pawl an kah hna. Hakha khuachung le khua kiangkap kahdohnak ah hin SAC ralhrang lei in minung 12 hrawng an thi lai tiah an zumh i, miphun ralkap lei cu an him hna, tiah thawngpang kan theih. Credit: The Chin Journal

Ca biadang: Kanpetlet Ah Zung Rianṭuan CDM Hna Ca ah Sianghleirun Pakhat He Pehtlaihnak Tuah In Training An Tuah Lai:: Chin ramkulh, Kanpetlet khua ah CDM hna ca ah ramkhel le chawlehthalnak kong telh in subject 10 leng cu ramchung sianghleirun pakhat he pehtlaihnak tuah in cawnnak(training) kan tuah lai. Cu cawnnak ah kai ve cio ding in Kanpetlet mizapi uknak nih cathanh an chuah.

“Kan Chinram cu Myanmar ramchung ah zei lei poh in a ṭhangcho lo bik ramkulh a si. Fimcawnnak lei zong ah a der bik le a ṭhangcho lo bik kan si. Sianginn hun hmanh ah a kai ding a um lo tluk kan si. Tanghra a awngmi zong kan tlawmte. Kan ram sersiam ṭhannak ah Federal phung ning in kan ṭuan le ṭuanvo kan laak a hau,” tiah ṭuanvo ngeitu nih a chim.

Ramkhel, chawlehthalnak, khuakhan lairel thiamnak, Mirang ca Federal kongkau le ukhruainak subject hna hi a tam deuh cu an i thim i an cawng lai, tiah an langhter. CDMers, caan karlak mizapi ukhruainak ah aa telmi hna le internet line a hmang khomi hna lawng nih August 8 tiang khi a hnu bik caan khiah in pehtlaih khawh kan si. Cun, Kan cawnmi hi cawn sawhsawh si loin atak in dohthlennak le caan karlak ukhruainak ca ah kan hman lai, tiah an thanh.

Leave a Reply