Breaking News: Tuzing Zahnak Tlang Chungah Bomb Le Meithal Tam Taktak An Puah Cang Mipi An Lungrethei Tuk Cang. Zahnak tlang chung ah bomb le meithal puah thawng a thang minung pakhat bomb aa lamh Thantlang Peng, Zahnak tlang chung ah nihin September 10 zinglei in bomb le meithal puah thawng theih a si.

Khuami pakhat nih, “Atu zong meithal thawng kan theih cuahmah ko. A ho an si zong kan thei kho ve rih lo tiah a chim. The Hakha Post nih suimilaam 7:30AM i thawng kan theih ning ahcun, minung pakhat bomb aa lamh i fak ngai in hliam a tuar tiah kan theih. Thawngpang tling rianrang in thanh khawh kan in zuam than hna lai.

Thawngpang dang: Kayin ralkap KNU le ralhrang phu kar kahdohnak kong KNU nih ralhrang phu umnak sakhan an lak khawh tiah thawng theih tik ah online cung ah rianrang in tarlangh lo ding theihter nak cathanh cu KNU nih nihin ah a chuah.

“Hmunkhat ah tan pi ding in nawlnak” tiah tlangtar in theihternak cathanh an chuah mi ah kahdohnak le cawlcanghnak thawng cu online cung ah rianrang in thlah a si ah cun, kan ral hna sin ah thawngthanh cia le theihter cia bantuk a si caah ral kan doh cawlcanghnak ah KNU nih a tuah ding mi timhtuahnak vialte hnahnawhnak a pek khawh tiah an langhter.

“Tuahkel ahcun KNU le ralhrang phu kar kahdohnak a chuah hnu ah ralhrang phu hna nih vanlawng he bomb thlak hnawh in kah nak le anmah ralhrang phu bawmtu minung an thlah tawn. Cu ruang ah KNU nih chungtel ralkap vialte kahdohnak a dih hnu a humhimnak hmun an phanh than tik lawng ah online cung thawngzamh ding in kan in nawl hna” tiah an langhter. The Irrawaddy