Zaangtlang khuami, Thantlang Sianginn sang ah a ummi Pu Mang Hei (Kum 50) cu October 15 zing lei a rianṭuannak kuthruk ka caw lai ti i dawr ah a kal. Kuthruk zong caw loin, Market sang a achung le inn a cycle le a tawh (zuk ta lo in) a chiah. Zing suimilam 8 hrawng in ṭiantuannak lei zong ah kir ti loin, cuticun a tlau i tuni October 21 ah an hmuh ṭhan tiah theih a si.

Breaking News-Thantlang ah a tlau mi Pu Mang Hei cu tuzing suimilaam 6:00 ah nungdam tein an hmuh cang. Thantlang No.1 Sang khuasa Pu Mang Hei (kum 50) cu October 19 zing suimilaam 8:00 hrawng in a tlau i, October 21 zing suimilaam 6:00 hrawng ah nungdam tein an hmuh than, tiah kan theih.

“Pu Mang Hei cu 21 October zingka pheikalh veng mi hna nih sianginn sang Calvary Hlawhtling thlacamnak pawng i Rirang kung cung ah a rak um i, nungdam tein an hmuh than cang. Tuzing ah kawl than ding in tlang ka au dih bak ah an rak tlun hi a si. Tungbing in an vun tlunpi. Zeihmanh hliamhma zong a tong lo. Amah belte a thluak hman pah lo mi a rak si cia ca ah, a lung tu cu a fim rih lo. Atu bantuk in kan vun hmunh than i, kan hnangam, kan i lawm taktak,” tiah Thantlang No.1 Khuabawi Pu Van Tlir nih The Hakha Times ah a chim.

A tlau mi Pu Mang Hei hi, Zaangtlang khuami a si i, Thantlang No.1 Sang ah khua a sa mi a si. Malaysia ram ah caan saupi a um hnu ah a rak kir mi a si. October 19 zing suimilaam 8 hrawng ah a tlau i October 21 zinglei ah an hmuh than hi a si. Chirhchan-Hakha Times Daily Newspaper

Atlauning: “19 October 2020 zinglei riantuannak in kuthruk ka caw lai tiah Dawr ah a kal. Kuthruk zong caw lo in Market sang a chung le inn ah a Cycle le a tawh (zuk ta lo in) a chiah. Zing suimilam 8 hrawng in Riantuannak lei zong ah kir tilo, chungkhar sin zong ah lawi lo in a um caah chungkhar kan lungre a thei ngai,” Thantlang Youth Association nih an taarlangh.

Admin hmurka: Chinworldnewsvening nih thawngpang kan ṭialmi hi kanmah nih kan phuah cawpmi kan ṭialmi a si lo. Mipi sinah adikmi thawngpang zamh hi kan i hmuitinhmi a si. Cun, thawngpang kan tialmi hi areltu mipi caah thathnem santlaih, theihtlei ṭha siseh ti hi kan i hmuitin bikmi a si. Asinain, minung kan ti cu tlamtlinlonak tete zong a kho mi a si caah thawngpang kan ṭialmi kan palhnak a um cun theihter khawh peng kan si.

Mipi sinah thawngpang thlazamh piak na duh si cun zeitik caan paoh kan i thlahzamh piak khawh zungzal hna. Kan thawngpang ṭialmi kongah, pehtlaih a duhmi nih Salai J Vanduhthar Lahnin ah pehtlaih khawh peng kan si. Cun, kan ca a kan rel piaktu nan dihlak cungah kan ilawm. Upatnak he-Admin