YeePhyo peng um SAC Ralkap ralveng phu Sah- Yah- Phah zung an kah lio ah bawmh ding a ra mi SAC ralkap mawtaw cu bomb kan puah hna i SAC ralkap 5 an thi tiah Launglung PDF ( LLPDF ) nih an thanh. Yephyo Sah Yiah Phah Zung cu July 13 zanlei Sml 10:30 hrawng ah mizapi vengtu ralkap phu 4 nih bomb an puahhnawh i cu inn pi cu a kang dih. Cu kahdohnak ah SAC ralkap a thimi um le umlo fiangin kan thei kho rih lo. Sah- Yah – Phah zung kahdohnak cu DGRF, T1 Zone, TPLE le WaiHin ralkap hna an i bawm.

Sah- Yah- Phah zung ah bomb puahhnawh a si lio ah Yephyo nitlak lei in SAC ralkap mawtaw 3 in bawmh ding in a rak ra i LaungLung PDF, LLPDF, TPLF, ZinYaw ralkap le mizapi vengtu ralkap hna i bawm in bomb an puahhnawh hna i mawtaw 2 cu a rawk i, 5 an thi tiah Laung Lung PDF nih an thanh. Kan mah PDF phufonh lei a hliammi kan um lo tiah mizapi vengtu ralkap pakhat nih a chim.

Thawngdang Falam Khuachung ah Puahkeh Thawng A Thang. Chin ramkulh Falam khuapi Tlanglo sang ah meithal pehtlai in a thang cuah mah tiah kan theih. Meithal hi pehtlai tuk in a puah caah an i kap le si ko lai tiah kan zumh, Leng zong kan chuak ngamlo i an i kap bak ti cu ka fehter ngamlo tiah Tlanglo sang ummi pakhat nih The Chin Post ah achim.

Thawngdang CDF-Hakha Ralkap Salai Biak Hnin Nih Kan Ram Le Miphun Caah A Nunnak A Pek. Nizaan July 14, Dokthek le Chuncung kar lak kahdoh nak ah CDF-Hakha in Salai Biak Hnin nih ram le miphun ca ah a nunnak a pek. CDF ralkap a hawile nih a ruak zong tlamtling tein an lak khawh. Salai Biak, nangmah cu na ralkap hawi le na miphun hawi dihlak nih a sang bik upatnak kan in pek Teinak kan hmuh hlanlo nan rian hmabang hi kan rak peh zulh lai. Ram le miphun dawt ruangah a kan liamtak cang mi kan hawile vialte hna zong kha nan thachia hlah ulaw kan hawile nih an doh cuahmah ko hna ee, kan tei dengmang cang ee tiin kan chimh piak te hna.

Thawngdang Bomb Lamhsual Ruangah A Mit Le A Ke Bul Mi Paletwah Ramzaam Pakhat Bawmh A Herh. Chin ramkulh Paletwah peng ah bomb ai lamh sual i a ke le a mit 2 tel in a pum cungah hliamhma a tuar i Sitttwe sii-inn ah ai thlop mi ralzam Daw Win Khin cu bawmh a herh tiah theih a si. Paletwah Myomah veng celhhmun ralzaam umnak ah um mi kum 42 Daw Win Khin cu June 20 ah khua kam tiva ah mehhang a zal i bomb ai lamh sual caah a mit pahnih, a ke khatlei a bul pin ah a pum chung ah hma in a khat.

Paletwah peng sii-inn ah nihnih chung an thlop hnu ah June 22 ni ah Sittwe sii-inn ah an kal pi i nihin tiang sii ai thlop i bawmh herh ko. Daw Win Khin hna chungkhar cu Paletwah peng Takaa Chaung khuami an si i 2020, April hrawngah Paletwah khuapi ralzaam sakhan ah an i dor i an pa um ti lo in fa 5 a zoh khenhtu hringtu nu pakhat asi.

Thawngdang Chin Fallen Heros Vialte Le Salai A Lawng Upatnak Le Salam Pek nak Rallokap kan khuaram an ra lawng ah raldohnak aum. Pengtlang CDF cu Mah Pengtlang ah ara mi / a um mi Rallokap doh awk asi. Mara nih MDF an dirhnak hi Sullam a ngeih lo. An ram um Rallokap Sakhan an tuk ballo. Mara ram a ra mi Rallokap zong an kah bal hna lo. Civui zawh nak le Sital caah Ralkap an dirh asi ko lai. Lailenpi Sakhan um Rallo kap an I nuam tuk. Laileipi lei ara I Matupi lei a kir mi Rallokap zong Civui zawh mi an lawh.

Mara Pastorte nih Rallokap he hawikomnak an tuah pi hna. Cucaah MDF’s Mara Pastorte vialte cu Dalaan Mangtara lawng an si ti kha atu an hngalh ding. Tlaih ko uh, nain thah hlah uh. Puan lo le rawl loin chiah ah apoi mi asi lo Dalaan Pastorte an si caah. Nan Hawikom CDF cu mi Pengtlang tiang in Raldoh na va bawmh hna. MDF nih nan kah hna lo caah Matupi nih an I kah piak hna. Dokthek khua tiang Raldoh an va bawmh rih hna, CDF Matupi cu. Matupi Ralzam cu Mara ram ah a sinpi lo caah Mar ram Thaizawl tiang an lan. Thlam sak nak caah Mau (Rua) an va put nak ah Marpa nih Namtawng in an Inn cung kai in a samh hna. A kutdong cat dengmang in Lunglei Siizung ah. Inntek nu zong bengh aa huah rih.

CDF Matupi TEINAK kha a ciasa in A Theipar ei a duh mi MDF nan si ko. Nan Hawi CDF cu zoh uh! Taal le Dokthek War ah an humhual ram asi lo mi CDF Matupi, CDF Thantlang cu CNA, CNDF he Rallokap an va doh pi hna. Nannih nan ram um cia mi hmanh nan doh ngam lo. Dr. Sa Sa Mara a rak si hi cu a pam tuk ee. Nanmah MDF hmanh nih a chimh nan ngai lo mi Dr. Sa Sa cu. Zeitin? Tuanbia Tazakhan nan si cang MDF. Khua tuak uhlaw, Nan Hawikom CDF le CNA kuttang ah ra ve cang uh. Acan an liam rih lo.