Breaking News: Yangon Ah Laipa Philip Thang Minung Pathum Nih Nam In An Sawh A Hma A Fak Ngaingai

Chin News

Breaking news: Yangon ah Chin tlangval pakhat Philip thang cu Hnawbi bus stop ah minung pathum nih a phone an chuh hleiah nam an sawh caah North Okkalap Hospital ah aa thlop liopi a si tiah kan theih.

Image may contain: one or more people, people sitting and indoor

Philip Thang kum (18) cu nizaan Hniang 14 ahkhan Insein peng, Mudita Housing in Hmawbi ngakṭah sianginn ah a kal. Hmawbi Bus Stop ah saikal in amah rak dongtu ding a hngah lio 1:0pm tluk hrawngah minung 3 nih phone an chuh i nam in an sawh hnu ah an zaam tak hi a si.

“Zahan zaan 10:45 pm tluk hrawngah operation khan ah an lutpi. Zinglei 12:30 am tluk hrawngah operation cu an lim. A hliamhma hi a (serious) fak ngai. Kan vanṭhat tuknak pakhat cu Chin Sibawi, Dr. Sang Bik a rak ummi a mah nih a rianrannak in a kan bultawl khawh colh. A hliamhma hi a fak ngangai.

“A rilpi (colon) hi kaphnih in a ṭhih a sinain khathlei balte cu tlawmpal lawng a si. Cun, a hnit zong tlawmpal a ṭhihkhaih rih. Ahliamhma a fah deuh caah sizungah zarhnih hrawng cu a cam (um) hau lai an kan ti,” tiah a hawi Ṭha Cung Nung nih a chim.

Hliamhma a pumi Philip Thang cu Yangon ah Music a cawng liomi a si i Hmawbi ngakṭah sianginn ah Piano(keyboard) a tummi si. Hringtu a nu hi Gangaw khua ah a um i tu zaanlei 2:00 pm hrawngah Yangon lei ah a kal dingmi a si. Philip Thang hringtu nu nih palik sinah report a tuah rih lo. Chirhchan: Chin World

Note: Chin World nih Kawlca in a ṭialmi Laica in kan lehchinmi a si caah palhnak tete a um kho. Cucaah careltu nih na kan theihthiamnak lai kan in nawl in kan theihter duh chih hna.

Leave a Reply