National Security Council Biaruahnak Ah Pu Henry Van Ṭhoi Aa Tel Kho Lo, SAC Nih Uknak Thla 6 An Chap! Nizaan July 31 ah SAC nih tuahmi National Security Council tonbiaruahnak ah NLD chan Vice President Pu Henry Van Thio cu damlonak zawtfahnak ruangah aa tel kho lo tiah SAC ralkap thawngzamhnak Myawaddy (MWD) nih nihin August 1 ah a thanh.

Pu Henry Van Thio cu a luancia 2020 kum thimnak ah Chin ramkulh, Thantlang peng, Amyotha Hluttaw in teinak a rak hmutu asi. SAC ral kap nih uknak an laak hnu in Pu Henry Van Thio cu mipi hmai ah aa langh ti lo caah amah he naihniam in a ummi hna le a chungkhar sinah a konglam le thil sining hlat a si ko nain, nihin tiang thil sining fiang in theih asi rih lo. Nizaan July 31 i SAC National Security Council tonbia ruahnak ah cun SAC ralkap nih thla 6 chung uknak kan chap tiah biachahnak an tuah.

Thawngdang Kan chin ralkap pawl Bawipa nih huhpheng kho hna seh: Tuhi Timit leiah an i kah lio si. Rungtlang in hriampi in heh tiah an kah chap hna caah kan ralkap hna caah thlacam hna usih muh. Credit: Salai Williams Hlawnceu

Thawngpang dang: Myinmu Peng, Letpancin Khua Cu Helicopter 4 Nih An Kah Hnu Ah Ralkap A Chiah Hna. Tualchung Mi Lungrethei In An Um: Sagaing ramṭhen, Myinmu peng Letpancin khua cu Helicopter 4 nih nihin August 1 zinglei ah an kah i, ralkap pawl a chiah hna hnu ah khua chungah ralkap pawl an lut, tiah tualchung mi hna sinin theih a si.

Tuzing sml 11:40 hrawng ah Myinmu peng Letpancin khua cu Helicopter 4 nih an kah hnuah SAC ralkap pawl a chiah hna. Cu khua nichuah thlanglei zong ah ralkap pawl an khah dih caah khuami hna cu an thinphang ngai in an um, tiah theih a si.

“Khua cu SAC ralkap nih an kulh caah khuami zong leng chuak kho loin an um. Letpancin khua kiangkap ummi hna cu a himnak ah an zaam cang hna. Helicopter in an kah caan hi sml 1 chung hrawng a rau lai,” tiah tualchung mi pakhat nih a chim. Helicopter 4 nih SAC ralkap 70 hrawng a chiah hna i, cu ralkap pawl nih cun khua chung ah lut in inn le lo an hrawh i, thilri tampi an fir, tiah theih a si.