Breaking News: US Nih Kumpi Kum 16 Chung An Hman Ti Lomi Phung An Hman Tthan Cang Lai.

World News

Breaking News: US Nih Kumpi Kum 16 Chung An Hman Ti Lomi Phung An Hman Tthan Cang Lai.

Image result for Attorney General William Barr

Mithat lainawng le misual mi hna caah cun thawngpang chia taktak si ko cang hih. Tuchun ah Attorney General William Barr nih cun, Dept of Justice bantukin Federal phunglam (Law) tangah ah Capital Punishment caah kumpi kum 16 chung an hman ti lomi “Death Penalty/Sentence” cu a hlan bantukin hman/pehtthan a si cang lai”tiah thawngthanhnak a tuah tthan cang. Kum 2003 kum thawk khan hi bantuk thih tiang i hremnak phung hi Federal cozah nih a rak hman ti lomi a si.

Image result for Death Penalty/Sentence

Cu an hman ti lomi cu atu ah a thar bantukin Federal Prison tang i “five death row inmates prison” an timi, tang 62 an um i, hi hna chungin thil sual tuah a tam ruangah hremnak Death Penalty/Sentence an hman tthan khawh ding hi a si. Death Penalty/Sentence an hman khunnak ding cu a herh lo ah mi va hrem, tlaihhrem le lainawng hna caah a bikin si lai. Cu bantukin State tthenkhat hna ahcun thih si chunhnak in “Death Penalty” hi an kalpi tthaimtthiam rih ko.

Zeiruangah Dah Kan Harsat Tuk, Kan Thlacam Pathian Nih A Thei Lo Maw? Timi Kongah Billy Graham Bialehnak Hi Van Rel Ve Hmanh. Tampi Na Caah Bawmtu Si Lai.

Biahaltu: tu kum cu harnak pakhat hnu pakhat in kan tong lengmang i, kum donghnak hngah zong a har tuk hringhran. Ka chungkhar dam lo si, thihnak kan ton si, tangka lei kan harsat si, chim ah hin cun a tam tuk. Pathian sinah thla ka cam i, zaangfahnak ka hal lengmang tawn asinain zeihmanh kan si hlei lo. Hi tluk kan dirhmun lioah hin Pathian khawika ah dah a um?

Rev. Billy Graham: A biapi ngaimi pakhat kan chimh duhmi cu Pathian nih nan tonmi vialte an theih dih ko hna. Nan nunnak le nan ruahnak ahcun lungdong ngai zong nan si ko lai. Nan mawh hrimhrim lo, kan hmuh khawhmi le kan ruah khawh cu pei ri a ngei fawm cu! Sihmanhsehlaw Pathian nih nan zawn a ruah tuk ko hna timi hi chimh than kan duh hna. A fale nih zeidah an ton timi Pathian nih a theih dih cikcek ko.

Prophet Jeremiah le a mipi nih harsatnak an rak tonmi kha hmurka in chim awk tha lomi a si. A tapmi prophet ti tiang in kan uahnak a si. Asinain Jeremiah nih ‘Pathian dawtnak a kan deuh bal lo’ tiah a hnuah cun a chim thanmi kan hmuh (Lam. 3:22). Mupi nih a fale zuan a cawnpiak lio hna ah khin zeitluk in dah a fale nih an tih i, an thin a phan. Cu bantuk cun Pathian nih a caan ahcun thinphan le lungrethei in a kan umter tawn.

Zeibantuk kan ton zong ah Pathian kut ah kan him zungzal ko. A caan ahcun zeiruangah dah hi bantuk thil hna hi Pathian nih tonter le tuarter a kan sianh hnga tiah theih ka duh ngai tawn ve ko. Asinain theih khawh kaa zuam len ko zong ah ka thei kho ve lo. Ka theih khawhmi cu lungretheihnak, harsatnak le thil thalo tbk hi an um taktak. A caan hna ahcun kan nunnak in an tian kho ti lai lo hlah maw ti awk in an um tawn.

Sihmanhsehlaw Pathian nih cun a theih dih ko hna. A Fapa ngeihchun Jesuh Khrih zong nih zeitluk in dah harsat a ton lai i, vailam an thah lai i, thlan khor ah an phum lai i, a thawhthan te lai timi tiang in a theih dih ko. Pathian nih tinhmi a ngeih hna ruangah hi vialte zong a Fapa tonter le tuarter a sianh dih ko. Nangmah le keimah zong nih kan tonmi le kan tuarmi hna hi a caan ahcun kan fiang tawn lo nain a phen leiah khin Pathian nih tinhmi a rak ngeihmi an rak um lengmang ko.

Cucaah hi bantukin thil har nan ton tikah nan lungdong hrimhrim hlah u. Pathian nih nan tonmi le nan tuarmi an theih dih hna. Mupi nih a fale training a pek hna bantukin nan harsatnak caan zong ah Pathian training pek bantukin ruat peng ko u. A Fapa ngeihchun Jesuh Khrih nih a ton dingmi le a tuar dingmi zong a rak theih dih ko. Sihmanhsehlaw a chuah pi dingmi kha a tonmi naak in a let in a phumi a si. Pathian ah thawng u law nan lung i lawm lengmang ko. Deuh a hmang lomi Pathian a si. Ref: Billy Graham.

Leave a Reply