Breaking News: Pakokku ah University a kai liomi Chin nute Ayeyadawy tiva pi ah a pam. Mindat peng Kunna khua i Pastor Lawng Huan fanu Mai Esther cu a hawi le he Ayeyawady tiva ah tii an i kholh i tii ah a pam tiah kan theih. Esther hi Pakokku University ah Botony Major in kum thumnak a cawng liomi asi.

January 26 suimilam 4:00 pm, a hawi le nu pawl he Ayeyawady tiva pi ah ti kholh ah an kal i, ruah lo piin tii ah a pam. Atu tiang a ruak hmuh a si rih lo. Hi kong he pehtlai in a chung le sin ah pehtlaihnak The Hakha Post nih kan tuah nain phone an tlai lo. Photos/Esther Fb. Credit: The Hakha Post

Thawngpang dang rak rel chih! Atu hi Ni chuah lei Africa “East Africa” ram pawl cu khuaci an mui. Khaubok nih an ram a khuh-zelh lio asi; an ti-rawl cinthlaakmi vialte a hrawh dih hnik cang. UN zong a lungrethei, emergency in $10 million khaubok dohkhamnak caah a chuah piak hna. Zumhnak mit in nihin kan vawlei thil cang mi vialte hi ttha tein cuanh ahcun daithlang in um awk a ttha hrimhrim ti lo. Ref: Salai Van D Ceu

Relchih: Chin party le Head Quarter-Zungpi: 2020 ah Chin party a sungh ahcun an head quarter “zungpi chiah” mi kong he zeimawzat pehtlaihnak angei te lai. Party ralkap bu-mibu pi pakhat caah abiapi tukmi cu zungpi chiahnak hmunhma hi a si.Mah nihcun hruaitu hna lungput ceilak te alanghter mi asi.

USDP le NLD nih kum 5 veve an kan uk/pen cang tikah Chin mipi lungput zeimawzat a hun lang,tuhi Chin party leiah an lu an mer lio pi si nain Chin party nih head quarter-zungpi Chinram a chiah lo nih mipi lu amerh hnik tthan mi hi a hliahphoiha cu cang lo maw? Party pakhat caah abiapi ngaimi cu, Head Quarter hi a si kha zapi theih a si nain tulio Party zeimaw nihcun zeiah an rel lemloin a lang,a ruang a um ca zongah si lai nain mah a ruang pakhat hninhnak in an party or an phu ca kha tuaktan deuh a hauh kha an nganh/philh kha apoi deuhmi si.

Chin Party CNLD cu Chinram uktu dingah 2020 rampi thimnak ah teinak hmuh aa timmi si. Nain nihin ni tiang Chinram ah head quarter “zungpi” an chiah lo tikah Chin mipi zeimawzat aw-aan ngaih tikah an lungtling lo cio ngai ti hmuh khawh a si. Party pakhat nih a hmuitinh cu aa cuhnak ding hmunhma mipi lungton thiam kha biapi cem a si.

Yangon ah HQ “zungpi” an chiahmi hi an upate nih a ruang an chimah cun adiknak zawn a um ve ko lai nain za ah sawmkua hi cu Chinram hi an hmuitinh(focus)mi a si ko ahcun Chinram khuapi ah an zungpi hi an chiah hrimhrim aherhmi si. Teinak hmuh sisehlaw Yangon in maw Chinram cu hun uk le pen ding si lai ti biahalnak zong atam lengluang ko cang. Teinak kan hmuh ahcun Chinram ah kan hung kai ko lai tikha cu upa hmurka chuak ding hmanh silo.

2020 zong kan phan cang. CNLD head quarter hi Chinram ah a rannak in CNLD haotu hna nih tawlrel i chiah le bunh a cu cang lo maw? CNLD palai hna hi Chinram in maw Yangon ah meeting an hungkai peng lai, a riak rianttuan le a laang rianttuan hi aa lo kho lo dahkaw? Miphun nan dawt vaivek ko ahcun nan chungkhar zong cu kumkhat chung cu kal tak ko hna ulaw nan itinhnak Chinram ah zungpi bunh ulaw khuasa ve ko uh.

Yangon,Magwe, Irrawaddy le Rakhine ramkulh le ramtthen ummi Chin miphun ca khi pei a laang in ttuan dingmi asi leh cu,an nih khi cu CAM in zoh dingmi an si tikah mu. Chinram tu kaltak in riah lo ding kan va riah deuh lo maw ti zong hi tuak a cu ko cang.Nikum ah mah kong hi tawite in ka rak ttial bal cang nain ka hun nolh tthan. William HC