Breaking News: U Kyaw Moe Tun Thah Atim Taktak Tu Cu Theih Fian Asi Cang Hih! American New York khuapi ah a ummi NUG UN palai U Kyaw Meo Tun cu thah ding in mi a fial hna i a fialmi hna minung cu US FBI nih an tlaih hna. An hlathlai tikah mi thah a fialtu taktak hi U Aye Ko a si tiah theih a si. U Aye Ko cu Thailand ram ah a um i phungning lo hriamnam zuarnak lei phun ah atuan i minthang pakhat cu asi ve tiah theih hngalh asi.

Kawl ralkap bawi pawl he atangti mi mihrokhrawl tangka kawl supuaisi tuah hmang mi pa asi. A mah pumpak in AK – Construction zong a ngeih i Mandalay ahhin a minthangmi company pakhat ah ai tel ve. Kawlram social bu tampi ah ai tel i Thailand ram ah a ummi Kawl miphun i hruainak phu zong ah ai tel ngaimi pa a si. Myanmar Gold Association of Thailand ( MGA ) zong ah ai tel.

Kawlram ralkap bawi Thailand an kal poh ahcun U Aye Ko cu an ton tawn ti a si. Thailnad ram sipuazi tama hna kha Kawlram ah hrambunh ding in a forhfial tawn hna.Kawlram mirum pakhat a si. Kawl ralkap bawi pawl he ai thei hngal i naihniam tein a ummi a si. Cozah nih tender an tuah mi a tuan tawnmi zong a si i a bik in lam cawh lei hi a tuanmi a si fawn. Sipuazi phunkip a tuah. U Aye Ko nihcun NUG UN palai U Kyaw Meo Tun thah ding in mi a fial hna i US dollar tampi zong a kuat cang hna. Thil an tuah hlan ah US FBI nih an theih hmanh hna caah an hlawh a tling kho lo.