Breaking News: Tuzing Ah Sac Ralkap Helicopter Atum Than Mipi Caah Tihphang Ngai Asi(+VIDEO)

Myanmar News

Nihin zingka sml 8:40 ah Rungtlang ah ralhrang helicopter a ttum. Launak caah post mi silo khah. Mah thawngpang hi atu nai te khan an rak update mi asi tikah avideo te zongin zoh khawh asi lai. Mah thawngpang hi aduh mi nih nan i share khawh cio. Adang tete aum than cun kan rak i thanh than hna lai.

Thawngdang CNA le CDF Halkha nih bomb 5 an hmanhmi ah bomb pathum cu 8am ah a puak. Ralhrang an fak ko lai tiah ruah asi i, ruah a surtuk ruangah hmuh khawh le va hlat kho asi lo. Tuhi ralhraang pakul hna cu, i kahnak hmun in Timit lei an zuang. An tuah mi maw an si hnga ti a fiang rih lo. Bawipa thawng in kan ralkap an him dih. Credit: Salai Williams Hlawnceu

https://www.facebook.com/william.hrangsai/videos/615961163525585

 

Thawngpang dang: Tedim Peng, Haimual Khuathar Cu SAC Ralkap Nih An Khangh! Chin ramkulh, Tedim peng, India-Myanmar ramri pawng Haimual khuathar cu SAC ralkap nih nihin August 14, zaanlei suimilam 4:30 hrawng ah an khangh, tiah theih a si.

May be an image of 9 people, people standing and cloud

SAC ralkap 40 hrawng cu August 12 ah Rihkhawdar sakhan in Haimual lei ah an kal i, nihin August 14 ah Haimual khuachung cu an khangh caah inn 10 hrawng a kang cang, tiah khuami nih an chim. SAC ralkap hna nih khuachung inn an khangh hlan ah meithal an puah ta, tiah an chim. Haimual khua thar cu tualchung ralkap hna nih umhmun an khuarnak a si i, cuka hmun cun Rihkhawdar SAC ralkap umnak sakhan cu drone in an kah tawn hna, tiah theih a si.

Khuami pakhat nih cun, “SAC ralkap nih Haimual khua cu an khangh i, kahdohnak cu a chuak lo, nai ah Tualchung ralkap nih ralbawi pakhat Wai Myo Paing cu an kahthah hnu ah, atu bantuk in SAC ralkap nih Haimual khuachung an khangh nak hi a si,” tiah a chim. August 10 zinglei Rihkhawdar kahdohnak ah SAC ralbawi (ṭaṭ-yin-hmu duh-bu-hnu-gyi) Wai Myo Paing telh in ralkap 5 cu Chin ralkap kut in an thi, tiah Chin ralkap hna nih cathanh an rak chuah.

Leave a Reply