Breaking News: Tuni Thantlang Thawnpang Cu Achia Taktak. Nihin Thantlang ah COVID-19 mizaw 7 hmuh, mizaw dihlak 279 an si i a dam than mi dihlak 227 an si cangSeptember 3, a voi 36nak September 3, Thantlang ah COVID-19 checknak ah 212 check an si i, minung 7 sin in COVID -19 zawtnak a thar in hmuhthan a si, tiah kan theih. Nihin tiang Thantlang khuachung ah zawtnak check mi dihlak 2080 an si cang i zawtnak hmuh mi 279, le a damthan mi 227 an si.

 

Hi chung ah minung 8 nunnak a liam i lunghrinh in a thi mi 1 a si. Khuate ah minung 1 a thi ve. Atu hi Thantlang khuachung ah COVID-19 Positive minung 44 an um rih,” tiah Thantlang COVID-19 Emergency Response Committee Secretary Pu Ram Khar nih a chim. Atulio Thantlang khuachung minung um mi dihlak i zatuak 25% tluk nih COVID-19 zawtnak an i check cang tiah kan theih. The hakha time

Thawngdang Chin ramkulh, Palatwah peng Sami ah ralhrang phu hna nih lam an phih caah eidin ngeilo in kan um cang lai tiah khuami hna nih an chim. Sami khua ahhin minung 50000 hrawng an um, ralhrang phu kar le AA kar kahdohnak ruangah ralzaam dirhmun in riahbuk ah a ummi minung 5000 hrawng an umnak khua zong a si. Sami khua nih hin zeilei poh ah Matupi hi kan i bochan hna, atu Mindat ah kahdoh nak a chuah caah , Pakokko-Mindat-Matupi lam cu hman a ngah lo. Pakokko- Gangaw-Razua lei kal a ngah rih ko. Atu ah lam phih a si caah eidin herhhai an dih cang lai, phaisa um zongah cawk ding a um lai lo” tiah Sami khuami pakhat nih a chim.A luancia August thla in Sami lei kalnak lam hna cu an phih hi a si.

“Facang tunkhat ah 35000 in cawk tawn mi cu 70000 hmanh in cawkkhawh a si lo, datsii liter pakhat ah 1000 in cawk tawn mi a tu ah 3500 a si cang, cu zong cu caan tlawmpal cun a dih ding an si cang.Ralzaam dirhmun in riahbuk ummi hna cu WFP nih bawmhnak an pek hna caah atu tiang cu an tlam tling rih” tiah khuami pakhat nih a chim. Sami khua cu Palatwah peng he meng 39 a hlat nak hmun a si, cu ka lam cu ralhrang phu hna nih gate chia in umkal an phih caah ,meng tamtuk a hlat nak Pakokko-Mindat-Matupi -Sami lam in an um kal na in, a tu ah cun cu an hman mi lam zong in cun umkal a har cang tiah theih a si.