Breaking News: Tuchun Ah Minthang Dalan Tihnung Taktak Meithal In An Kahthah. September thla 4 sumilam 1:00 pm hrawngah Yangon Insein ah SAC thawngpetu tiin a minthang mi Dalaan Ar Nu cu meithal zuun 4 in alu ah an kah i a thi. Insein Dalaan Ar Nu cu Bayinnaung lam pawng ah an thah. Amah hi Sangmi nih Ar Nu tiah an auh i khuabawi zung hrawng ah mi hroceer a hmang mi a si,” tiah khuami nih an chim.

Ar Nu cu Insein Myothit-A/B Sang ah a um mi a si i motorcycle in leng a chuah lio ah meithal in an kah hi a si, tiah KTM nih a tial.Yangon Insein ah minthang Dalaan meithal in an kahthah than. Mah thawngpang theih cu achungle caah cun zangfak ngai asi ve ko mah belte asual man cu ahmuh ve ko hih!

Thawngdang Shan ramkulh chaklei, MuSe pengkomh Mong Ko (မုံးကိုး)ah ralzaam 700 leng an um ralzaam hna nih tirawl kan herh bik tiah an chim. Bawmchantu pakhat nih ” tu lio ahcun tirawl an herh bik. Sii zong an chambau. Nifatin in a rak zaam mi an karh chin tiah a chim. Mong Ko peng chung ah khuakomh khua 9 cu ralzaam inntung 150 leng Pa 340, Nu 361, an zapi in 704 an um tiah tu lio bawmchan tu bu chung i hruaitu pakhat nih a chim.

Ihphah le Puan hna hlut mi cu an i za ti lo. A phan hmasa poh cu kan phawt hna. Ara than ding mi hna ca a um ti lo. Tirawl an i har.Ngakchia caah si le ai a herh tuk ” tiah a chim. Mong Ko peng chung ah August 28 le 29 ah ralhrang le MNDAA kar ah kahnak fak tuk in a um caah khuami hna cu August 29 ni ah an zaam hi a si .

August 28 le 31 tiang ah ralhrang lei in a tlawn bik a thi mi le a tlau mi minung 80 leng an si. Khua mi mipi lei in kum 10 ngakchia tel in minung 4 an nunnak liam MNDAA lei in ram caah nunnak pe mi minung 2 an si tiah an chim. July thla thawk in atu tiang ah ralhrang le MNDAA kar, ralhrang le KIA hna kar ah tu le tu kahdohnak a um i a ni a rauh deuh caah ralzaam minung 2000 leng tirawl le Siai ah an chambau rang deuh in bawmh an herh.