Kan um nak cio in kan ralkap hna caah thlacamnak in bawm cio hna usih. Tuhi Timit lei ah kaphnih kahdohnak an thok, kan ralkap nih teinak an hmuhnak hnga thlacam rih usih Mah hi Salai Williams Hlawnceu nih amah Facebook cahmai ah a taarmi si. Share cio hna usih.

Thawngpang dang: ZAHNAKTLANG CHUNG AH CDF-THANTLANG BATTALION-4 (Zahnak Battalion) POLICE NIH HEROIN RITHAISI (No.4) AN TLAIH . CDF-Thantlang Battalion-4 (Zahnak Battalion) Police nih 5 August 2022, zaanlei 4:30 hrawng ah Thangzang le Ruakhua lampial Check Gate ah rithaisii (heroin-No.4) 150 gram cu, Fungkah khuami Pu Za Hup le Pu Van Za Ham hna sin in an tlaih.

Hi an tlaih mi rithaisi hi a tulio rithaisii market in kyats sing zahnih (20,000,000) man hrawng a si tiah ruahdamh a si. Hi rithaisii hi Kalay lei ah an lak i Mizoram Sangau ah pek ding in an kalpi lio ah Palik nih an tlaih mi a si. Hi hna hi cu hlan zong ah a rak tuah bal mi an si i anmah he a tuahṭi mi hawi dang siseh, an theihhngalh mi rithaisii zuar dang zong Zahnaktlang chung ah an um rih tiah theih a si.

Hi tlaih mi Pu Za Hup le Pu Van Za Ham hna hi CDF-Thantlang, Battalion-4 Biaceih Zung (Department of Judiciary) nih an bia a ceih hna lai i aa tlak ning in sualphawtnak le dantatnak tuah ding ah timhlamh cuahmah lio a si, tiah theih a si.