Breaking News: Tihnung Tuk Ee! SAC Ralkap Hakha Khuachung Ah An Lut I, Bomb A Puak!

Myanmar News

SAC Ralkap Hakha Khuachung Ah An Lut I, Bomb A Puak! SAC ralkap pawl cu nihin July 17, zaanlei suimilam 4:15 hrawng ah Hakha khua chung ah an rak lut i, an luh lio ahcun Hakha khuachung ah bomb voikhat a puah tiah theih a si. Bomb puahnak ah hliamtuar an um  thawng theih a si lo. Hliamhma a pumi SAC ralkap 15 hrawng cu Hakha siizungpi ah an chiah hna i, cuchung ah cun kumtlinglo ngakchia ralkap zong an i tel tiah theih asi.

May be an image of sky

Thawngdang Japan Ram Ah Covid Zawtnak Omicron BA.5 Variant Aa Chawnh Mi 100,000 Leng An Um Cang! Japan ram ah Covid-19 zawt nak aa chawnh mi zat cu July 15 tiang ahkhan minung 100,000 leng an um cang, tiah ṭuanvo ngeitu hna nih an chim. Hihi tukum February thla hnu ah a tam bik an phanh a si i, a luancia kum nakin a let hnih in zawtnak aa chawnh mi an tam deoh. Cu lakah cheunga cheukhat (1/5) cu Tokyo khualipi ummi an si.

A luancia zarh khan zawtnak aa chawnh mi an karh khun i, hi boruak kong ahhin lungrethei ngai asi tiah ngandamnak lei ṭuanvo ngeitu nih an chim. Zawtnak aa chawnh mi an tam khun nak cu, chawnh a fawi tuk mi Omicron BA.5 ruangah asi tiah thiamsang hna nih an chim. Cun Covid khamnak ding ahhin ramchung ah zulh ding phung thar tete an ser i sii ṭha deoh mi chuah khawh nakding kan i zuam lai, tiah Prime Minister Fumio Kishida nih a chim. Atu hi a voi 4 nak Covid-19 raikhamsii chunh ding in Japan cozah nih timhtuahnak a ngei i, ramri luh chuahnak kong ah cun atu tiang an an dinhdorh mi a um rih lo.

Thawngdang Pakokko In Mindat Lei Ah SAC Ralkap Motor 100 Hrawng A Kal! Magwe ramṭhen Pakokko in Chin ramkulh Mindat-Matupi lei ah SAC ral kap motor 100 hrawng cu nihin July 17, zinglei suimilam 9:00 hrawng in an chuak tiah CDF-Mindat nih an thanh. SAC ralkap motor run cu mu-ka an khuh dih caah zeidah an phorh theih a si lo. Motor chung ah cun nu zong an cuang i eiding le hriamthil an phorh lai tiah zumh asi.

May be an image of sky

Thawngdang Matupi Khah Lah Yiah 140 In SAC Ralkap Major Than Naing Win Kan Fimtawl Tiah CDF Nawl Ngeitu Pakhat Nih A Chim. Cun Matupi Khah – Lah- Yiah 140 In SAC Ralkap Major Than Naing Win Kan Fimtawl Tiah CDF Nawl Ngeitu Pakhat Nih A Chim Chin ramkulh Matupi hmunkhuar Khah- Lah- Yiah 140 in SAC ralkap Major Than Naing Win Cu July 15 ah CDF Matupi nih kan fimtawl cang tiah CDF lei Matupi nawl ngei tu nih a chim.

May be an image of text

Thah a tongmi SAC ralkap Major Tan Naing Win cu rallam hlathlai tu pakhat a si i SAC ralkap chung in CDM tuah a duhmi, mizapi vengtu ralkap cawlcanghnak hna cu a hlathlai tu a si. SAC ralkap Major Than Naing Win thawng pek nak ruangah CDM tuah a tim mi ralkap 7 thah an tong i 4 thongthlak an tong. June 25 ah SAC ralkap Major Tan Naing Win nih nu pakhat zong a rak thah tiah theih a si. A mah cu khua leng ah thlithup in kan lem i kan chuah pi hnu ah kan thah” tiah CDF Matupi nawl ngeitu nih Yangon khit thit ah a chim.

Thawngdang KyaukThu Ah SAC Ralkap Mawtaw Bomb Puahhnawh An Tong, A Zaam Mi SAC Ralkap Bawi Mawtaw Nih A Pah I A Thi. Kyau kthu peng, InnKaBo khua kam ah SAC ralkap mawtaw run cu bombpuah in an tong i SAC ralkap i ralbawi pakhat cu a zaam i mawtaw nih a pah i a thi tiah theih a si. Nizan July 15 zinglei SML 10 :00 hrawngah InKaBo khua SiOng no 2, Lay DaunghKaan Kam ah SAC ralkap maw taw run cu bomb kan puah hna tiah Tatone PDF Battalion 3 nih a thanh.

Thawngdang Ukraine Nih North Korea Phihkharnak A Tuah Ruangah N. Korea Nih A Mawhchiat! Ukraine Nih North Korea Phihkharnak A Tuah Ruangah N. Korea Nih A Mawhchiat! Russia nih Ukraine ram nichuahlei um Donetsk le Luhansk cu Independent ram ah a phuan mi cu North Korea ram nih a cohlan hnu in Ukraine nih N. Korea he ramhnih i pehtlaihnak cu a phih i, North Korea nih Ukraine cu a mawh chiat tiah theih a si.

N. Korea nih Donetsk le Luhansk cu Independent ram ah a cohlan hnu in Ukraine nih July 13 ahkhan ramhnih kar pehtlaihnak cu a rak phih ve. Kan hnu thla ah Russia hawikom a si mi Syria nih Donetsk le Luhansk cu independent ram ah a cohlan hnu in North Korea nih atu ban tuk in a cohlan ve.

Hi ramkulh pahnih Independent ram ah kan cohlan mi cung ah Ukraine nih North Korea cung ah phihkharnak tuahnak nawl a ngei lo tiah N. Korea Khualipi Pyongyang ministry of foreign affairs zung chimnak nawlngeitu nih a chim, tiah KCNA nih a ṭial. Russia nih N. Korea sin ah Donetsk le Luhansk cu independent ram ah cohlan piak ding in a nawl tiah Ukraine ramleng minister Dmytro Kuleba nih a chim ve. Donetsk le Luhansk he pehtlaihnak ṭha kan ser lai, tiah N. Korea nih cun a chim chap.

Leave a Reply