Breaking News: Thantlang Peng Ah Ralhrang Helicopter Azuang Mipi Kan i Ralrin Ahau. Ralhrang Vanlawng Thantlang peng chung ah a chawk ti asi. Hi bantuk lio caan ah mipi leng chuah loin, a himnak ah ralring tein um cia aherh ngai. Kawl ralhrang Ralokap Helicopter cu Thantlang peng ah achawk. Cucaah Thantlang khua le Thantlang peng mizapi a herh lo ah leng ah chuak lo in a himnak tlakrawh inn tang deuh ah um rih ulaw” tiah Thantlang mino official page in tarlangh a si.

Cun a luancia suimilam 2 hrawng in khan Hakha in Thantlang ah Ralkap motor 3 in an rak ra, Ralkap pawl hi a tlawmbik ah 200 cu an si lai ti asi. Timit tiang hrawng lawng motor in an ra, lampi an tih caah Timit in, an tum hna i an Ke in Thantlang lei ah an rak ra cuahmah ti asi. Mah thawngpang hi athar bak asi.

Hi ralkap pawl hi Thantlang khuachung zong ah luh theng loin, Thantlang peng lei ah lanh a tim mi zong an si kho. Cun a tu ah Thantlang peng chung ah Ralkap Vanlawng aa chok ti a si fawn caah mipi lei ralring tein um rih ko hna usih. Pathian nih kan miphun, kan pasaltha vialte venghim hram hna seh.