Breaking News! Thantlang Ah Ralkap Duhlonak Langhtermi Salai Sang Ling Mang Police Nih An Tlaih

Chin News

Breaking News! Chinram kulh Thantlang ah ralkap uknak lakmi duhlonak langhternak ah darkheng a tumtu Salai Sang Ling Mang cu Thantlang Police nih ceihhmainak ngei dingin tuzing 11:00AM hrawng ah an tlaih tiah theih asi.

Image result for Thantlang

Salai Sang Ling Mang hi Thantlang khuasa, Yangon International Relation Major (IR) final year a kai lio cuahmah mi asi. Thantlang Police Sakhan ah Mino tam ngai nih an zulh ve tiah theih asi. Credit: The Hakha Post. Hi bantukin nizan zongah Hakha palik nih Pu Ci Ling cu an tlaih ve.

Relchih: Hakha Mizapi Sin Sawmnak! Ralkap uknak duhlonak langhternak caah tuzan suimilam 8:00-8:15 kar Hakha khuachung ummi dihlak nih kanmah le inn cio tein umkheng tum dingin kan sawm hna. Hi lio caan ah Motor, Cycle, Tungbing aa citmi zong nih nan kalpah in minute 15 chung nan icit mi hawn cio kha a thang bik in tum ding a si lai.

Cun 8:15-8:30kar ah kan inn electric mei hmih dih cio in kan ram caah Pathian sin thlacamnak kan ngei hna lai.Biakilh: (1) Hohmanh innleng le lam cung ti bantuk ah chuah in umkheng tum lo ding. Mah le inn cio in thlalang awng asilole innka hun i tum ding.

(2) Motor, Cycle le Tungbing zong dir buin siloin kal pah in tum ding. (3) Palek nih tlaihkhih phun a um ahcun mah le sang kip mino hruaitu chungin theihhngalhmi a rangbik in pehtlaih i thawngtheihter ding. (4). Atang ah khan copy paste tuah in hi ca hi facebook ah rak i post cio le kiangkap thawngtheih ter cio izuam hna usi. Ref. CBN

Leave a Reply