Thantlang ah COVID zawtnak ngei an hmuh. Ramkomh Ngandamnak le Zaanglek Zung nih Thantlang ah kum 32 upa sin in COVID-19 zawtnak an hmuh tiah May 16 suimilaam 7:00AM ah a thanh. Zawtnak ngei minung 182 chung ah minung 6 thi, minung 89 an dam than. (The Hakha Post).

Thangtlang ah Covidi-19 mizaw positive a ngeimi pakhat a um cang. Cozah lei nih zulh phung an tuahmi le ngamdanak lei zung nih zulh ding an tuahmi phung vialte tha tein zulh khawh i zuam cio uh. Malaysia lei in a tlungmi Fanthen khuami a si an ti. Hakha sizungpi ah an kalpi lai tiah zumhnak a um.

Amah he a pehtlai mi vlate Quarantine tuah dih ding. Hmai huh loin leng chuah lo ding, inn phak le cangka kut tawl ding, mizaw umnak hmun ah ngamdanak lei tuanvo ngeitu hna lawng luh le chuah ding. Salai Lairamthang

A poi taktakmi a si. Naite ah Halkha khualipi ah zawtnak a ngei hmasami bikmi Case-150 cu voihnih negative a si i a zawtnak a thiang cang tiah sizungin chuahter a si hnuah Facility Quaratine chiah ṭhan a si. Halkhualipi a phak hnuah atubantukin Thantlang zong a hong phak ve taktak cang.

Kan iralrin taktak a herh ko. Ṭih a nung lemlo le tiin daithlan in um sawhsawh awk a ṭha ti loh. A dammi zong an um ko cuteh tiah daithlan sual ahcun apoi taktak dingmi a si. Aho cio paoh kan i si ah iralrin hna usih law thlacamnak in bawm cio hna usih!

Thawngpang dang rak rel chih: US Nih Covid-19 Ikhamhnak Si Vaccine Serchuah Lai. Tuchun ah President Donald Trump le White House task force hna nih Covid-19 Vaccine sertu phu, “Operation Warp Speed” an ser i White House ah chim phuannak briefing an ngei. Virus i khamhnak Vaccine sertu phu 100 an um i mah chungah zumh bikmi phu 14 an um. Tukum kum dih January 11 ahcun kan ser chuah khawh lai, mah nak zong in a tuan deuh kho” tiah President Trump nih a chim. Mah vaccine chuah khawhnak dingah sumilam 24 chung rian an tuan ti a si.

President Trump nih sianginn zong fall ah kan on khawh ko lai. Ralriang tein kan on lai. Asinain kum upa kum 70 hrawng a simi cu sianginn ah ra rih lo in an um ko lai” tiah a chim. Vaccine a chuah le cangka in US ralkap nih US ram pumpi phawtzamhnak an tuah lai caah a ni le a caan hman tein kan phakpi lai” tiah Chairman of the Joint Chiefs of Staff Gen. Mark Milley nih a chim. Credit: Salai Lairamthang