Atu lio cu kan Laitlang thawngpaang theih ahcun lungthin a ttha hrim lo. Kan theih bantukin Chinram chungah Inn kaang a tam i, nunnak a liammi an tam lawng si loin Mawtaw le Cycle accident nak in a nunnak a liammi an tlawm ti lo.

Tuzan zongah Thantlang ah Cycle pahnak a chuak tthan i, minung pakhat cu lungfim loin a um caah atu hi Thantlang siizung ah kalpi colh a si tiah thawng theih a si. An tanglei bantukin The Hakha Times nih an tarmi kan rak taar chin. Lung a nuam hrim lo.

“Thangtlang market hmai ah motorcycle an i pah. Palek Van Duh Tling le a min thei rih lo mi Thangtlang market hmai ah motorcycle in an i pah ruang ah Van Duh Tling cu lungfim loin a um caah sii- inn ah Thantlang Sipin Chairman Pu Ram Khar nih a kal pi i faktuk cun an i khong lem loh tiah kan theih. Credit: The Hakha Times”

Relchih: Tial Cung Thang nih Indonesia pa a thah dengmang, knockout bak in teinak a hmu. Ground thuatnak ah a thangcho tuk cang timi hmuh khawh a si. Myanmar buainak he ai tonmi belte lung a tha deuh lo. Vawleicung level in Laipa teinak a hmu hi i lawm u sih. Tuzaan 8pm ah umkheng tum ding zong philh hram hlah u sih.