Breaking News: Tedim Ah Mi Bawmchantu Phu Hruaitu Pahnih SAC Ralkap Nih An Tlaih Hna

Myanmar News

Breaking News: Tedim Ah Mi Bawmchantu Phu Hruaitu Pahnih SAC Ralkap Nih An Tlaih Hna. Chin ramkulh Tedim ah cun Shalom Youth Committee, mi bawmchantu phu in hruaitu pahnih Salai Mun Lian Kham le Salai Lian Shing Mung cu nizan June 27 ah SAC ralkap nih an tlaih hna tiah theih asi. Mi bawmchantu hruai pahnih nih PDF-Zoland nih ralrin peknak cathanh cu mizapi sinah Loud Speaker in an au caah SAC ralkap nih an tlaih hna hi asi.

LuaiBuai sang um Shalom Youth Commitee hruaitu pahnih cu PDF-Zoland nih ralrin peknak cathanh cu Loud Speaker in an au tawn ko. Khawndennak a tongmi thi pek(hlut) haumi le khoika dah mizaw an um timi kong hna an rak au tawn. Atu zong Pastor Tawng Pi le Lian Kham nih PDF- Zoland nih ralrin peknak cathanh an chuahmi cu, an au caah SAC ralkap nih an tlaih hna tiah Tedim khua um pakhat nih a chim.

PDF- Zoland nih SAC nih an hunmi sianginn ah kai lo ding Non-CDM cachimtu saya/mah le SAC lei ṭang nule pa hna cu ralrin an pek hna nak cathanh a si. PDF-Zoland lawng nih si loin midang zong nih SAC kuttang sianginn kai lo ding cu aupi peng ko. PDF-Zoland nih cathanh an chuah hnu June 27 in sianginn kai lo le a baumi an tam ngai cang. Nawl an chuahmi an zulh lo ahcun hma laknak an tuah taktak ko lai tiah tualchung mi pakhat nih a chim.

Leave a Reply