Breaking News: Tedim Ah Covid-19 Ngeimi An Hmuh Ṭhan

Thawngpang

Update News. Tedim ah zawtnak ngei minung pakhat aa chap than caah Tedim siizung ah minung 5 an um cang. Cun Kalay ah minung 4 sin ah an hmuh chap than hna caah minung 6 an si cang. Kawl ram chungah Zawtnak ngei minung 117 an phan cang

No photo description available.

Covid-19 zawtnak Tedim ah minung pakhat le Kalaymyo ah minung 4 an i chap. Kawlram cozah Ministry of Health and Sports nih April 20, 2020 zanlei sml 8:00 thawngthanhnak a tuahmi ah Covid-19 in zawmi mithar 6 an um. Cu chung ah minung 3 cu Kalaymyo in an si i, pakhat cu Tedim in le a dang pakhat cu Shan ramkulh in a si.

Nihin tiang Kawlram ah Covid-19 in zawmi dihlak minung 117 an um cang. An hmuh tharmi ah Tedim in kum 65 (pa) le Kalaymyo in Kum 52, kum 19, kum 17 pa pathum le kum 10 nu pakhat an si. Shan ah an hmuhmi cu kum 29 pa a si. The Chinland Post

Thawngpang dang rak rel chih: Paletwa Peng kahdohnak ruang ah hliam a tuar mi minung pali sii-inn in, an chuak cang. Pathian dawtnak thawng in Bomh puahnak le meithal kuanfang hliam a tuar i, caan sau pi sii-inn ah thlopbul in a ummi Paletwa kan unau hna tuzing sii-inn in an chuak cang.A nu le pa, a unau an paruk ning in a thi mi Mg Ingka Aung kum 13 te cu sii-inn ah piah than ding a si ca ah Mindat i Salai Mang Hung te inn ah umter chung a si.

Sianginn a kai khawh nakhnga hi kanmah Chinmi hna nih kan tawlrel piak awk an si. Zeitindek khua rak khang cio hna usih law. Sii-inn in a chuak kho rih lomi minung pahnih an um rih. Hi hna ca zong ah biatak tein thla rak campiak ko rih hna usih.

“Paletwa ralzaam minung 3700 leng ca ah facang tun 700 leng a phor mi motor pahra cu Paletwa khuapi an phak lai Paletwa, Sami le Rakhine ram Couh-daaw (ကျောက်တော်) lam aa ton nak Nga Bui khua pawng ah AA nih an kah hna,” tiah Sami khuasa Saya Jolly Aung sin in theih a si. Motor rawk le minung aa hliam mi, facang an chuh mi cu a um lo tiah theih a si. Bawmhnak pek ding facang a phur mi pawl Paletwa zong lut kho lo Sami zong kir kho loin lam ah an hren hna. Salai Tluangte

Leave a Reply