Breaking News: Taungkok Ah Phaisa Lem Zeimawzat Le A Ngeitu Minung 3 Tlaih An Si!

Myanmar News

Taungkok Ah Phaisa Lem Zeimawzat Le A Ngeitu Minung 3 Tlaih An Si! Taungkok peng Leihkungbaung le Padah khua ah myanmar phai sa lem thonghra ca tlap 300 leng le a ngeitu minung 3 hna cu July 12 zinglei ah palik nih an tlaih hna tiah theih asi. Phaisa lem tlaih mi kong he pehtlai in palik pakhat nih cun Michaunghtoo khua lei ah phaisa lem thlennak an tuah ti thawng kan theih i, chekhlatnak kan tuah tikah Leihkungbaung khua ah tlangval pakhat sin in phaisa lem thonghra ca tlap 105 kan tlaih. Cu hnu ah Padah khua ah nungak 2 sin in tlap 229 kan tlaih ṭhan tiah a chim.

Nizan zinglei ah Taungkok peng ah phaisa lem tlaih a si hnu in Aung Mingalar Lampi(Highway) cu palek nih an chek, tiah cuka i rianṭuan mi pakhat nih a chim. Phaisa lem he Tlaih a tong mi hna cu Tanh Zin Thun mah Ma Ma Win le Mah Khin Thida an si i, Taungup palik sakhan nih phungrelnak 105/106 in taza an cuai hna, tiah theih a si. A luancia thla zong ahkhan Mayankung peng Shwe Pyithar le Dagon Seihkaan peng ah phaisa lem thongnga ca le thonghra ca an rak tlaih bal cang.

Arakan Army(AA) Nih Paletwa Khuami 6 An Tlaih Hna!: Chin ramkulh Paletwa peng um mi minung 6 cu Arakan Army(AA) nih kan tlaih hna tiah AA chimphuannak nawlngeitu U Khine Thu Khah nih a chim. Kan tlaihmi hna cu minung 6 an si i, minung 15 an si tiin thawng pang a rak thang cu bantuk cu siloin 6 lawng tlaih an si. Kan tlaihmi minung 6 hna cu miphun dang le Biaknak dang an si ruangah kan tlaih mi an si lo. Sualnak an tuahmi thawng an kan pek caah kan tlaihmi an si tiah U Khine Thu Khah nih DMG ah a chim.

Cu kong he pwhtlai in, IKACC nih July 7 ah June thla ahkhan Paletwa in Chin mi 15 leng cu AA nih an tlaih hna tiah an thanh. Cu an thanh mi i an langhter mi minung zat cu a dik lo i minung 6 lawng kan tlaih hna, tiah U Khine Thu Khah fianhnak a tuah. AA nih cun kan tlaihmi hna hi SAC ralkap thawngpetu an si i, kan tlaihmi hna min cu anmah pumpak himnak ca ah an min kan langhter rih lai lo i, an chungkhar nih ton nan duh ah cun rak ton khawh a si, tiah U Khine Thu Khah nih a chim.

Leave a Reply