Magwe ramthen Yezakyo peng Sin Pyo Shin hlei SAC ralkap Gate cu PDF nih June 9 ah an kah i SAC ralkap 3 an thi 1 anung in an tlaih hriam nam tam ngai an lak tiah mizapi vengtu ralkap – Yezakyo nih cathanh an chuah. Hi hlei gate kahnak ah cun Yezakyo PDF Myaing PDF, SaLin gyi Salingyi Special Task Force hna an i bawm i nihin May 10 chun Sml 12:00 hrawng ah an lak khawh. Cu kahdohnak ah SAC ralkap 3 an thi 1 a nung in an tlaih, SAC ralkap tampi an hliamhma he an zaam. G-3( 4,) Ushi 3, hriamngan 1 le kuan 1000, Cycle 1 kan lak khawh i sakhan cu mei man khangh tiah an langhter.

Thawngdang Kawlram Bawmhnak Pek Dingin Asian Ram Hna He Tuanti Dingah ICRC Cu Ready Si Cang. Kawlram ah minung hawi zawn ruahnak in bawmhnak pek dingah AHA he hmunkhat ah tuanti kan duh tiah ICRC nih an chim tiin June 9 ah Malaysia hrambunh Bernama News ah a langhter. ICRC phu i lutlaibik Christine Cipolla nih Bernama News sinah achim lioah Kawlram chung hmunkip ah bawmhnak pek an herh ngaingai caah kan pek khawh nakhnga kannih ICRC cu timhcia tein kan um cang tiah achim hi asi.

ICRC cu Malaysia ramdang pehtlaitu minister nih a pek dingmi bawmhnak hna cu a lethnih bakin bawmhnak pek dingin AHA phu lawng siloin vawlei cung ramdang dang hna zong nih bawmhnak pek cio dingah a chim hnuin timhtuahnak an ngei tiah theih asi. Malaysia ram dang pehtlaitu minister nih vawlei cung ramdang dang phu hna nih bawmh herhnak hmunhma ah kal in bawmhnak peknak kong ah cun experience an ngei cang tiah achim.

Kawlram chungah bawmhnak pek a herhnak kong he pehtlaiin zeitindah bawmhnak kan pek lai timi bel an chim lo. ICRC nih ramkhel ruangah thongthlak a tongtu hna sinah bawmhnak a pek cuahmah lio nain caan karlak cu covid-19 zawtnak ruangah an i din. Mah vial hi kan theih mi cu asi i adang um than ah cun kan thanh than te lai.