Breaking News: Salai Sui Sang Lian SAC Ralkap Nih An Tlaih. Salai Sui Sang Lian SAC Ralkap Nih An Tlaih. Chin ramkulh Khualipi Hakha khua ah nihin June 18 sml 12:00 hrawng Auto Sang um, Salai Sui Sang Lian cu SAC ralkap nih an tlaih. Chungkhar he naihniam mi pakhat nih ruah lo piin SAC ralkap cu an ra i an inn an kulh colh. Inn chung ah an lut i chungkhar cazin an chek.

Bia tlawmpal an hal hna hnu ah Salai Sui Sang Lian an kal pi hi a si. A phone chung zong ah zei hmanh a um lo. Zeiruang dah an kalpi ti zong kan hngal lo,tiah The Chin Post ah a chim. Ruah lo piin an ra i inn an kulh colh tikah thawng petu an um hrimhrim lai tiah a chimchap. Mit hmu tu pakhat nih Cherry sang lei ah an kal. Mi an kawl hna, laipuan an i ngerh i a chung in meithal an i put tiah achim.

Relchap thawngdang Falam Khua Chung Ah Meithal Thawng Pehtlai In A Thang! Chin ramkulh Falam khua No. 3 sianginn pawngkam ah June 17 zan sml 10:15 hrawng in meithal thawng pehtlai in a thang tiah kan theih. Falam khuami pakhat nih Zan sml 10:15 hrawng in meithal thawng a thang. Hriamngan thawng zong voi thum hrawng kan theih. Zan dang ah cun meithal thawng zong a thang bal lo adai ngaingai.

Ruah lo pi a si tikah kan lau tuk tiah The Chin Post ah a chim. An i kap maw a si hnga ti cu kan hngal lo. Falam khuachung ummi kum 60 hrawng pa pakhat kuan hma apu! SAC ralkap 10 hrawng cu private motor in No.3 sianginn lei panh in an kal tiah a chimchap. Chin ramkulh Falam No.3 sianginn ah sianginn a kaimi zong an tam ngai tiah theih asi.

Thawngdang North Korea Ah Tihnung Taktak A Min Hngalh Lomi Zawtnak A Karh! North Korea ah a min hngalh lomi chungril lei zawt nak cu kan buaipi cuahmah lio tiah nawlngeitu hna nih June 16 ah an thanh. Cu zawtnak a ngeitu hna cu anmah dang tein kan chiah hna na in ṭha tein dothlatnak tuah ding in North Korea hruaitu Kim Jong Un nih nawl achuah tiah KANA nih  langhter.

Zawtnak a ngeitu hna cu bawmhnak pek ding in Hiju khuapi ah June 15 ah khan sii-ai hna cu an kuat dih cang i, hi zawtnak hi Typhoid asilo ah Cholera asi kho tiah thiamsang hna nih cun an ruah. Ramchung minung a nuai(million) in an zaw ti in thanh a si hnu ah May thla chung ah khan emergency in thawng thanhnak zong an ngei cang i, a zawmi hna hi covid-19 zawtnak zong an ngei chih tiah zumh asi. A chuak cuah mahmi zawtnak ngeitu milu zat le zeitin dah zawtnak a hramthawhnak a si timi cu fiang tein an langhter lo nain chungril lei zawtnak asi tiah ṭuanvo ngeitu nih an chim.