Breaking News: Sagaing -Monywa Motor Lampi Ah SAC Ralkap Bomb Puahhnawh An Tong I Ralbawi 2 An Thi! Sagaing ramthen Pale peng, Inmahtee khua i a ummi Phyosawthi sakhan cu August 10 zinglei sml 7:30 hrawng ah tualchung hriamtlai phu nih an kah hna i kahdohnak a chuak tiah tualchung hriamtlai phu nih an thanh. Phyosawhti sakhan cu CIATHIT PIOHCIA, Pale battalion 1, 2, 3, Guerilla Ranger Pale Bataillon 6, Black God piohcia (myaing) le Myaing PDF phufonh hna i bawm in hriamngan le hriamhme in an kahdoh hna. Kahdohnak ah SAC ralkap a thimi zat cu fiang in kan thei kho rih lo tiah an chim.

August 10 zaanlei sml 3:55 hrawng ah Sagaing in Monywa lei ah a kalmi SAC ralkap motor Pajero 1 cu lampi ah tualchung hriamtlai phu hna nih bomb an puahhnawh hna i, SAC ralbawi 2 an thi tiah Myaing PDF le CDSOM hna nih an thanh. Cu bomb puahhnawhnak ah cun People’s Defense Force – Myinmu(MMU PDF), Myinmu Civil Revolution Force(CRF Myinmu), Myinmu Lighting Guerilla Force hna nih Pa-de-ta bomb lung 3 an puahhnawh hnatiah theih a si.

Cu bantuk ṭhiam in nizaan August 11 chun sml 12 :30 hrawng ah Mandalay ramthen, Nganyun in Nganmyia lei ah a kalmi SAC ralkap motor 14 a dongtu, ralkap 5 hrawng nih zulh mi Mark-2 motor cu a kir lei ah PDF nih bomb an puahhnawh hna. Cu kahdohnak ah cun hliamtuar mi an um i, a thi mi an um le um lo fiang in theih a si rih lo tiah an thanh. Cu bomb puahnak ah cun CDSOM M2W, Ngayunpyi PDF Mansuai kyia le Special Force hna an i tel tiah theih a si.

Shan Ramkulh Ah SAC Ralkap lmLe KIA Kar Kahdohnak A Chuak I, SAC Ralkap 3 An Thi Shan ramkulh thlanglei, Kutkai peng namhpatkar khuakomh Khumong khua pawng ah nizaan August 11 zaanlei sml 3 hrawng ah khan SAC le KIA kar kahdohnak achuak i SAC ralkap 3 hna hrawng an thi tiah theih a si. SAC ralkap lei cu hliam tuarmi an tam caah Namhpatkar ah umhmun a khuarmi khah-lah-yah (123) in SAC ral kap nih KIA Bataillon 9 umnak lei cu hrimangan in an kah bawmh hna, tiah khuami pakhat nih media ah a chim.

Kahdohnak a chuahnak hmun cu Namhpatkar khua in meng 7 a hlatnak Khumong khua pawng ah a si i cu khuami hna chung in hliam tuar mi an um lo, tiah khuami hna sinin theih a si. Khumong khua telh in Namhpatkar khuakomh cu minung 1600 hrawng umnak a si. Shan ram thlanglei, Muse peng, Namhpatkar khuahlun ah a luancia August 1 lio zong ahkhan SAC ralkap le KIA kar kahdohnak arak chuak tiah khua mi hna nih cun an chim.