Breaking News: SAC Ralkap Nih Yanlinpine Khuami 2 le Khunmonnun Khuami 1 An Thah Hna

Myanmar News

Breaking News: SAC Ralkap Nih Yanlinpine Khuami 2 le Khunmonnun Khuami 1 An Thah Hna. Sagaing ramțhen Tamu peng YanLin Pine khua cu SAC ralkap nih Nizan June 23 ah an khangh khuami 3 zong an thah hna i nihin zinglei ah an ruak kan lak khawh hna tiah khuami hna nih an chim.

Cun SAC ralkap nih inn duah lawng an i lungsi lo caah an tlaihmi YanLinPine khuami 2 le KhunMonNun(khuami1 cu an thah hna tiah khuami pakhat nih achim.  TaMu peng YanLinPine khua le a pawngkam hna ah SAC ralkap le PDF kar kahdohnak tu le tu chuak. Inn an duah tu le tu ral zaam a si caah harnak tampi kan ton mi hi minung thinlung a ngei lo mi SAC ralkap nih cun an theihthiam lo tiah khuami pakhat nih a chim.

Thawngdang Naypyitaw Thonginn ah Kuat Asimi State Counselor Aung San Suu Gyi Thong Zulhphung Ning Tein An Thutdir Ter. Naypyi taw thonginn ah kuat a simi State Counselor Aung San Suu Gyi thong zulhphung ning tein an ṭhutdir ter Cun SAC nih sualnak tampi phawt a si hnu ah Naypyitaw thonginn ah kuat a simi State Counselor Aung San Suu Gyi cu a dang tein umter a si ko nain adang thongtla bantuk in thong chung zulhphung ning tein an ṭhutdirter tiah theih asi.

Naypyitaw thonginn ah kuat a simi State Counselor Aung San Suu Gyi thong zulhphung ning tein an ṭhutdir ter

Thongtla nu pakhat bantuk in umter ding in nawlpek a si. Thongtla angki hrukter aleng chuah caan tikholh caan meihmih caan tibantuk kha thong zulhphung ning tein a zul ve lai. Eidin hi zeitindah an pek lai ti cu theih a si rih lo. Thong zulhphung ning tein an ti ahcun adang thong tla bantuk in an pek men lai tiah Naypyitaw thawngzamh pakhat nih alanghter. A ngandamnak caah cun Daw Aung San Suu Gyi caah sibawi adang tein chiahpiak asi i nifatin in a ngandamnak zohkhenhpiak asi i thilsining kha Minister of Home Affairs Soe Htut sin ah cun atu thawng thanh asi lai theih asi.

Myanmar's Aung San Suu Kyi sentenced to jail for corruption | Aung San Suu Kyi News | Al Jazeera

Thawngdang Mah an tial mi hi kan laimi pakhat nih atial mi asi i ahman tuk caah kan van credit chawm mi asi. Ramdang in phaisa kuatu a ngei lomi hna chungkhar zeitindah khua kan sak cang ne lai. Lungrethei kan si ko cang ee. Kan ram cu covid ruangah khan harsatnak ton hram kan rak i thawk. NLD cozah lio ah khan cun bawmhnak tete zong a um pah lengmang i, ai ning ngai kan rak ti. Sihmanhsehlaw atu hi ralhrang nih uknak an lak hnu ah fak tuk in harsatnak kan tong hna.

Kan ram cu raktuknak in a khat cang. Firm rian tuan awk zong a um ti lo. Innsak le a dangdang riantuan awk zong a um ti lo. a tulio ahcun phaisa zong i cawi khawh a si fawn ti lo. Cu ruang ah ramdang in phaisa kuatu a ngei ve lomi chungkhar caah cun khuaci kan mui ko cang ee. Thilman nih le a kai chin lengmang fawn. Zapi zaran nihcun sa cuai hmamh hello cawk khawh asi ti lo. Sa cawk chim loin facang hmanh i kan caw kho tuk ti lo. Ruah ahhin lung a mit ko cang.

Matupi khua hna ahcun Facang tun khat ah ting khat le a cheu a phan cang ti a si. Cu tluk cun Facang man a kai i thilman a kai cang. Facang hmanh cawk awk a um set lo ee ti  si. Kan pawng kan kam in meithal thawng le bomb puah thawng nih a kan zelh peng fawn. Zei ti dah kan din lai i zei rawl dah kan ei lai tiin lungrethei in kan um lio ah dam lo hna a van si cun lung hello a dong i vawlei cung nun hmanh zuam lo can hello tampi a um tawn ko.

Ramdang in phaisa kuatu a ngeimi caah cun tlawmpal ai ning deuh ko. Tlawmpal tete an van kuatmi hna nih an hna a ngamter deuh ngai hna. Ramdang in phaisa kuatu a ngei ve lomi caah cun khoika in dah phaisa kan lak ve lai tihi ruah ah ruah khawh asi lo. Do kan cawi hna zong a chamnak an kan ngei ti lai lo ti an phan caah kan tong ti lo. A tulio Chin ramkulh dirhmun in ramdang lei in phaisa kuatu ngeih ve lomi caah cun nun hello a har bak ko. Sihmansehlaw Pathian a um ko. A mi fa hna a kan veng zungzaltu Pathian a um ko tiin kan i hnem tawn ee. Credit score-Chinlanmedia

Leave a Reply