Breaking News: Sac Ralkap Ralbawi Min Aung Haing Te Phu ASEAN Cungah An Nuar I Cathanh An Chuah Than Cang Hih!

Myanmar News

Breaking News: Sac Ralkap Ralbawi Min Aung Haing Te Phu ASEAN Cungah An Nuar I Cathanh An Chuah Than Cang Hih! Min Aung Hlaing asiloah Minister pakhatkhat tal ASEAN summit kainak nawl kan hmuhlo ahcun kan kai lawlaw ti lai lo, tiah thanh. Tuzaan October 25 zaan ah Kawl ralkap pawl nih Min Aung Hlaing asiloah Minister pakhatkhat tal ASEAN summit meeting ah kainak nawl kan hmuhlo ahcun kan kai lawlaw ti lai lo tiah an thanh.

Myanmar junta chief urges economic action as Western pressure grows |  Deccan Herald
Thaizing October 26 in 28 tiang tuah ding mi avoi 38/39nak ASEAN summit meeting ah Min Aung Hlaing asiloah amah ai-awh in Pyidaung su level minung pakhatkhat meeting kainak nawl nan kan pek lo ahcun kan kai lawlaw ti lai lo, tiah atulio ASEAN Chairman a si mi le Brunei Ramdanglei Minister sin ah ca kan kuat cang, tiah Min Aung Hlaing te nih an thanh tiin KTM nih a tial.

Thawngdang relchih Thlanrawn Khua Inn 3 SAC Ralhrang nih an Khangh Than. Nihin chun ah SAC ralhrang pawl cu Falam peng Thlanrawn khua ah an phan tthan i inn 3 an khanghpiak chap hna, tiah thawng kan theih. Khuami pakhat nih Taal ah inn an khanghpiak hna timi kan theih i kan khua zong an khangh sual ah tiah vehvat ah kan vung kal cu inn 3 an rak kaang cuahmah. Inn khat hmanh kan khamh kho lo tiah a chim. SAC ralhrang pawl Falam in Hakha lei an rak kai lei October 14-15 ah Thlanrawn khua biakinn pakhat telh in inn 13 an rak khanghpiak cang hna.

Thawngdang Apoituk Ee! Naypyidaw Ah SAC Lungtlinpinak Puai An Tuah Cang. Naypyidaw ralhrang phu umhmun Oopatatandih ( ဥပ္ပါတသန္တိစေတီတော်)hmunhma chungah minung 1500 hrawng nih SAC phu lungtlinpinak puai cu nihin October 25, zinglei ah an tuah tiah theih a si. Mah thawngpang theih hnu cun ralhrangbu lei zong an tha tho chin lengmang lai i an i nuam tuk cang lai.

Thawngdang relchap  Hakha in Falam Lei Apanh Mi Ralhrang Nih Tuzing Ah Taal Khua inn An Khangh Chap Rih. Hakha in Falam lei a panh mi ralhrang nih Nihin October thla 25 zing ah Taal khua inn 7 an khangh chap tiah theih a si. Mah thawngpanghi update thar mi bak asi. Nihin October 25 zinglei ah Falam Peng Taal khua inn 7 Kawl ralkap nih an khangh i Falam peng ah inn 30 an khangh cang tiah kan theih.

May be an image of outdoors

Hi Kawl ralkap pawl hi kan khua Thlanrawn lei ah an ra lio. Kan khua inn a taang mi an khanghchap sual lai tiin kan thin kan i domh. Taal le Thlanrawn caah thla kan campiak ulaw tiah Calvary Thang nih a facebook cahmai ah a tial. Kawl ralkap nih Falam Peng ah Rialti khua inn 10, Thlanrawn ah inn 13 le Taal ah inn 7 tiin an khangh cang, tiah kan theih. Sac Ralkap Nih Talkhua In Tampi An Khangh Chap Hleiah Falam Peng ah inn 30 Tluk An Khangh Cang.

Thawngdang relchih Dr. Naing Htoo Lwin Cu Ram Le Miphun Caah Anunnak Apek. Chin National Front in Dr. Naing Htoo Lwin nih 2021 lei in October 15 raalram hmun pakhat ah ram le miphun caah a nunnak a pek. Na miphun nih upatnak sang bik kan in pek. Mah thawng pang hi update thar bak mi asi.

Thawngdang relchap Rialti pawng ah an Hmuhmi Ruak cu CNF sin ah CDM Tuah in a Phanmi Sibawi a Si! Rialti khua pawng, lamthlang ah an hmuhmi ruak cu Magwe khua ah a ummi sii lei fimthiamnak a cawng liomi Naing Htoo Lwin (kum 20) a si, tiah an hun hliah khawh cang. “Falam-Hakha karlak raldohnak ah hliam a pumi pawl thlop ding in anih zong a kal ve.

An rak kir tik ah anih aa tel ti lo. Phone kan chawnh i voi khat cu a tlaih. Mah hnu ah a tlai ti lo. SAC ralhrang nih an tlaih hnu ah an thah i a si lai tiah CNF chimnak nawl ngei Salai Htet nih a chim. Naing Htoo Lwin i a ruak cu nizaan ah Falam-Hakha karlak mengtung 144KM zawn ah thacamnak tein ruakvuinak an tuahpiak cang. Credit: The Chin Journal

Leave a Reply