Nihin ah ralhrang nih an motor cit lio mi ah thi lak in an kahmi Siang Hnem Par ruak cu tuzan leiah Falam lei ah an tlunpi lai tiah theih si.
Siizung ummi pa pahnih zong an hliamfaak lo caah siizung in an chuak lai. Taantakmi Bawipa nih hnem ko hna sehlaw. Mah thawngpang theih cu anuam lo ngai mipi adang tete hna zong kan i ralrin ahau cang ee.

Thawngdang Atu hi Timit lei ah kan Chin ralkap hna le ralhrang rual an i kah cuahmah lio a si. Kan Chin ralkap an him i, teinak an hmuhnak lai kan ralkap hna caah thlacamnak in bawm cio hna usih. A herh ning in thawngpang udate tthan kan rak i zuam lai!

Nihin Hakha thawngpang: Hakha le Nipi khuakar kahdohnak ah ralhrang nih Mai Siang Hnem Cer an kah. August 12 Chin ralkap CNA, CDF le SAC ralhrang karlak kahdohnak ah mipi chung in motor he khual a tlawng mi Mai Siang Hnem Cer le pa pahnih hna cu ralhrang nih an kah hna i Mai Siang Hnem Cer cu a nunnak a liam tiah kan theih.

Ral ram ah a ummi pakhat nih, “Tuzing kha Hakha hrambunh 266 ralhrang he kahdohnak a chuak. Kahdohnak a vun daih hnu ah Pajero Motor he khual a tlawng mi nu pakhat le pa pahnih an motor cu ralhrang nih an kah hna. Hi an kah hna nak ah motor chung um khuami nu pakhat cu a nunnak a liam,” tiah CCN ah a chim.

Nithaizing kahdohnak ah ralhrang lei in minung pakhat a thi i hliam a tuar mi bel an tam. Mipi ralkap lei an him dih tiah kan theih. Cun, mipi an kah mi chung in a nunnak a liam mi hi Mai Siang Hnem Cer a si i amah hi kum 27 a si. Amah he aa cit ti mi pa pahnih hna cu an him tiah kan theih. Credit: Chin Cable Network Channel