Breaking News: Sac Ralkap Nih Tharyarkung Khuami An Kah Hna Caah An Zam Dih

Myanmar News

Breaking News: Sac Ralkap Nih Tharyarkung Khuami An Kah Hna Caah An Zam Dih. SAC Ralkap Nih Tharyarkung Khuami Pahnih An Kah Hna Caah Pakhat A Nunnak A Liam, Khuami An Zaam Dih! Sagaing ramṭhen, Kalay peng, Chin mi umnak Tharyarkung khua pawng ah August 2 ah kahdohnak a chuak i, SAC ralkap 10 an thi, tiah theih a si. SACĒR̥ ralkap nih hriamngan an kah tuk caah PDF lei cu hnu an kir. Ralkap cu zanlei sml 2:00 hrawng ah Tharyarkung khua an phanh caah khuami vialte an zaam dih.

Tharyarkung khuami pakhat nih cun, “SAC ralkap nih khuami pakhat an kah thah. Pakhat pa cu a ke ah an kah. An tlaihmi hna hi 10 hrawng an si. Khuami cu kan zaam dih, Cia Ing, Kyarinn le Tahan hmun thum ah kan zaam hna tiah The Chin Post ah a chim. Cheukhat cu August 2 zanlei in a zaammi zong an um. Tam deuh cu nihin zingka ah kan zaam dih hna. Ralkap pawl cu Tharyarkung sianginn ah an um rih ko, tiah a chimchap.

Thawngdang SAC Ralhraang Pakhat Cu Hngakchia Pate Nih Naam In A Sawh Ih Ralhraang Nih Meithal In An Kah Ve! Pago Ramṭhen Ah Ral kap Pakhat Cu Tang Sarih Siangngakchia Pa Nih Nam In A Sawh Pago ramṭhen, Pyi pengkomh, Hmawza khuakomh ah sianginn lei humhim nak a latu SAC ralkap pakhat cu tang sarih siangngakchia pa nih nam in a sawh i, siangngakchia pa cu a zaam.

A zaam lio ah ralkap nih meithal in an kah caah hliamhma fak ngai a pu, tiah theih a si.Hmawza khuakomh sianginn ah humhimnak a latu ralkap pa cu runvennak thilri chuahnak sehzung in Aung Myint Myat a si. Nam sawhtu ngakchia pa cu ralkap nih an kah i an tlaih tiah tual chung mi pakhat nih a chim.Ralkap pa cu a ban ah a sawh. Ngakchia pa cu meithal hma a put caah sii-inn a phan tiah a chimchap.

SAC ralkap pawl nih ngakchia pa cu an dawi i an kah caah a dang siangngakchia hna zong a himnak ah an zaam. Nam sawhtu ngakchia pa cu a thih le thih lo hngalh a si rih lo. SAC ralkap kut civil mi a thimi cu 2145 an si cang i, tlaih a tongmi hi minung 11865 tiang an phan cang tiah thongtla zongkhenhtu phu AAPP nih nizan August 2 ah an langhter.

Leave a Reply