Breaking News: SAC Ralkap Nih Naupawi Lio CDM Cachimtu Le PDF Ralkap Pakhat Telh In Minung 5 Mei In An Khangh Hna! Yesagyo Ah SAC Ralkap Nih Naupawi Lio CDM Cachimtu Le PDF Ralkap Pakhat Telh In Minung 5 Mei In An Khangh Hna! Magwe ramṭhen, Ywsagyo peng ah SAC ralkap nih June 10 ah Yesagyo Guerrilla phu, N- YSO camp cu an luhhnawh hna i CDM sianginn uk Win Kyaw Nurse Zar Li Naing CDM sianginn cachim Khin Hnin Way Tey Ih Ih Win le PDF ralkap Wu Hkung hna cu a nung in an khangh hna tiah N-YSO nih cathanh an chuah.

SAC ralkap nih June 10 ah N-YSO camp cu an luhhnawh dih in CDM sianginn uk Win Kyaw, Nurse Zar Li Naing CDM sianginn cachim Khin Hnin Way, Tey Ih Ih Win le PDF ralkap Wu Hkung hna cu an tlaih hna. Cu hnu ah N-YSO he pehtlaihnak ngeimi minung 5 cu zohchia ngai i,n mei in an khangh hna tiah N-YSO nih an langhter.

 

N-YSO cathanh an chuahmi chung ah June 10 zanlei sml 3:00 hrawng ah N-YSO camp cu SAC ralkap nih rallam hmun thum in an sial i an luhhnawh. Rallam a sialmi SAC ralkap motor 2 cu N-YSO nih bomb in an puah hna caah, ralkap 13 hrawng an thi. Cheukhat khuami zong lam hmuhsaktu ah SAC ralkap nih an tlaih hna. N-YSO ralkap 5 zong an tlaih hna pin ah a nung in an khangh hna. Nizan June 14 ah an ruak an hmuh hna i an fimhlawm hna tiah theih asi.