Breaking News: SAC Ralkap Mawtaw Bomb Puahhnawh An Tong SAC Ralkap Mawtaw Akang Ceilak An Thi Chap Rih. Mandalay ramthen Thabeikkyin peng Shin Ngit Kone khua pawngah SAC ralkap mawtaw rual cu nizan June 15 zanlei Sml 3:48 ah TaK yaung mizapi vengtu ralkap phu nih bomb puah in an kahdoh hna i SAC ralkap mawtaw 1, akang SAC ralkap 3 an thi i 2 hliam an tuar tiah theih a si. Cu SAC ral kap mawtaw rual cu Kachin ramkulh in HtiCheih khuapi cu lamtan in a kalmi an si mawtaw 65 an si i 20 nak ah a kalmi mawtaw cu bomb lung 3 in puahhnawh a si tiah TaKyaung PDF sin in theih asi.

Cu Mawtaw rual nih Lunghring pawl a phurh hna tiah kan theih. Cun mawtaw rual cu InnDaw zongah bomb puahhnawh an si. HtiCheih khuapi cu lam an tan in HtiCheih um mi phu hna nih thawng an kan pek. Kan bawh hna i Shin Ngik Kone khua luhnak TheyGin pawng ah bomb kan puahhnawh hna mawtaw pakhat a kang.

SAC ralkap lei cu an ba tuk i si rua kah zong an kan kap ve lo tiah TaKyaung PDF tuanvo ngeitu pakhat nih Yangon khit thit ah a chim. Cun Shin Ngit Kone khua pawngkam lamthluan kip cu mipi ho hmanh nih tlunkal rih lo ding in le SAC ralkap mawtaw pawngkam ah nan i chawh leh lo nak lai tiah mizapi vengtu ralkap phu nih mipi sin ah theihter nak an tuah.