Breaking News: SAC Ralkap An Rat Ruangah Kalay-Hakha Lamcung Khuami 10,000 Hrawng An Zaam. SAC ralkap an rat ruangah Kalay-Hakha lamcung khuami 10,000 hrawng an zaam. SAC ralkap pawl an rat ruangah Kalay-Hakha lamcung khuate in mipi 10,000 hrawng an zaam tiah theih a si. SAC ralkap pawl cu June 29 thok in Kalay in Laitlang lei ah mawṭaw 30 leng in an kai caah Kalay-Hakha lamcung khuate hna cu June 30 thok in innlo kaltak in ramtang ah an zaam tiah theih asi.

Atu bantuk kan zaam hi a voi 10 nak a si cang. Inn ah kan chiahtakmi thilrii pawl zong an kan hrawhpiak dih. An kal dih hnu ah inn hi ni 3 chung hrawng thianh a hau” tiah Falam peng khuate pakhat in khuami nih People’s Spring ah a chim. SAC ralkap pawl nih thil firpiak dih an hman caah a hlan kan tein thilrii kan thuh cia tiah a dang khuami pakhat nih a chim ve. SAC ralkap pawl cu Falam le Hakha karlak an phan i June 3 zinglei ah Parte khuate in hriamngan an kah tiah khuami hna nih an chim. June 2 zong ah SAC ralkap nih khuami pakhat cu Falam khua chuahnak pawngah meithal in an rak kah.

Thawngdang Kan ram a chiat tuk ko zong ah mi ramdang nak cun kai nuam deuh zungzal. Ramdang ah visa extension tuah or ram khat hnu ram khat tlawn in ka huam chung um khawh ka si ko, nain kan ram ah khuasak kai thim zungzal. Thaizing khi MAI vanlawng in Yangon ka phan than lai. Quarantine a um ti lo hlei ah Yangon airport ah vanlawng lutchuak a tam ngai cang caah tlunkal a nuam deuh ngai cang lai. Inn ka tin pah lampi ah Butiria sabuti ka va ei pah te lai. Dangh duhmi rak ra te u, Dubai ziihmui kan thenh chih hna lai.

Thawngpang dang relchap CDF Thantlang Nih Thantlang Sersiam Ṭhannak Le Sak Ṭhannak Kong Ah An Dirhmun An Langhter. Chin ram kulh khualipi Hakha ah SAC kuttang Chin ramkulh uktu, Pu Ngun San Aung hruainak in Thantlang khua sersiam ṭhannak sak ṭhannak ding le ralzam kir ṭhannak kong kau cu a luancia June 30 ah Thantlang khuanu khuapa cheukhat hna he tonbiaruahnak an rak ngei.

Cu kong he pehtlai in CDF Thantlang nih, SAC ralhrang hruainak in Thantlang sersiam ṭhan ding le sak ṭhan ding cu kan cohlang hrimhrim lo. Atu lio cu Hramhram uknak a hram bongh ding in mizapi nih doh cuahmah lio caan a si. Uknak ṭha lo doh caan i khul a nuarh tertu thil paohpaoh kan cohlang lo tiah cathanh an chuah.

 

Hramhram uknak a dongh tiang doh ding le Federal Democracy phung in kal ding cu CDF Thantlang kan hmuitinh a si zungzal. Mizapi duh nak papek in kan ṭuan lai, tiah an langhter. Cu pinah Thantlang khuachung ah a ummi SAC ralhrang kan thah dih hna hnu asi loah cun Than tlang khuachung a him cang ko tiah cathanh kan chuah hlan paoh cu Thantlang khuachung luh rih lo ding le sersiam ṭhannak le sak ṭhannak kan tuah lai lo tiah an langhter.