Yangon ramthen vuanci-choh mayors minister districts le pengkulh level tiang tuanvo ngeitu pawl biaknak leiin phu pawl in siseh ralkap lei training atuah mi hlun pawl he tonbiaruannak an ngeihnak Sac ralkap lutlai Min Aung Hlaing nih ramkhel ruahnak theihthiam lonak pawl le tlangcungmi konglam ruahnak akhat lo caah le ram chugn hriamtlai kahdohnak achuak i chawlehnak lei zong ah harnak le sunghnak tampi kan tong rampi daihnak hnga ding ca zognah tonbiaruahnak ceihhmainak kan ngeih cuahmah lioah asi. Sac ralkap lutlai Min Aung Hlaing nih cun achim. Tlangcung mi ruangah kalwram pumpi kan buai dih cang tiin achim.

Thawngdang CDF Matupi Nih Bomb He SAC Ralkap 16 Leng Ceilak In Thah Hna. Chin Ramkulh Matupi peng ah CDF Matupi nih cun SAC ralhrang hna cu Walanpyi khua le Kala khua kar ah bomb in an kah hna i ralhrang minung 16 nunnak liam kut ke kiak le him lomi minung 10 hrawng an si tiah CDF Matupi sin in thawng kan theih.

Atu an kah hna hi a liamcia June 7 zaanlei suimilaam 5:00 tluk ah a si i bomb pathum lawng an hman tiah kan theih. Min langhter duh lo hi pakhat nih Va Ngai Ceng timi ah bomb pathum in kan kah hna. Athi mi an tam hliam a tuar mi an tam. Ralhrang hi tukar cu Matupi Paletwa kar ah ke in an kal. Motor in an kal ngam ti lo. Lampi cung zong in an kal ngam lo. Suimilaam pakhat kal mi hi ramtang in an kal i nikhat chung hna an rau tiah CCN ah a chim. 2022 June 9 zong ah CDF Kanpetlet le a hawikom mipi ralkap hna nih SAC ralhrang cu Kanpetlet Peng chung ah a kah hna i minung 15 nunnak liam tiah theih  asi.

Thawngdang Pyi ah Sianginn Hngah Rian Soktu Hna Cu SAC Ralkap Thuam Hrukter In Kuan Tello Meithal An Tlaihter Hna. Pyiah siang inn hngah rian soktu hna cu SAC ralkap thuam hrukter in kuan tello meithal an tlaih ter hna Pago ramṭhen ni tlak lei Pyi ah SAC ralkap kut tang um sianginn hngaktu hna caah rian an auh i, cu rian a soktu hna cu SAC ralkap thuam hrukter in kuan tello meithal an tlaihter hna i security an hngahter hna tiah tualchung mi nih an chim.

Thlakhat sing thum in sianginn hngah rianṭuan a duhmi caah rian an auh hi asi rian an luh cangka in SAC ralkap thuam an hrukter hna. Mah Cun Pyi khuachung no.5 sianginn hauka gate ah security an hngahter hna tiah tualchung mi pakhat nih a chim. Cu bantuk cu kan duhlo phai sa zong kan pe duhhlah uh tiah rian chuahnak nawl an hal hna na in chuahnak nawl an pe hna lo. Thlakhat tlin tiang cu nan ṭuan lai raltuk nak hmun hmaisa ah auh nan si ah cun nan kal lai tiah an kan ti tiin Pyi khuachung ummi pakhat nih a chim.

Pyi khuachung no.5 sianginn lampi hmaiah SAC ralkap nih um kalnak nawl an phih nain sianginn kaimi ngakchia thlah/dong tu hna nih hau ka ah SAC ralkap thuam he gate hngakmi kan hmuh hna tiah a chim. SAC ralkap thuam he security hnaktu kan hmuh hna hi zerhkhat in cun hrawng lawng asi rih cu hlan ah cubantuk hngah cu a umlo tiah khuami pakhat nih achim.