Breaking News: Russian Nih Min Aung Hlaing He Pehtlaihnak Phih A Timh Cang?

Myanmar News

Russia-nih Myanmar ralkap he hmunkhat an rianttuannak phih a timh? Atu lio Myanmar ramchung thil cnagmi zoh tikah ttihnung mi dirhmun a phan kho mi thil si kho tiin Russia nih zong nih a ruah ve cang. Thil um tuning zong biatak tein hlathlainak kan tuah cang”tiah an chim.

May be an image of 1 person

Civil mi thihnak nikhat hnu nikhat in karh lei a panhmi hrim hi a him ti lomi dirhhum a si cang tiah Russia Presidential Security office spokesman Dmitry Peskov nih cun Moscow-i journalist hna sinah a chim. Hi kongah a imi cu “Myanmar ramchung dirhmun hi thil ttihnung tiang a chuak kho mi dirhmun ah kan ruah i, kan biatak tein zohfelnak kan tuah cang.

Sualnak ngei lo Civil mi thihnak a tam chin lengmang mi kan theih mi nih thinphannak a kan pek chin lengmang ve. Myanmar-ram thil cangmi hi Russia caah tiangin ttihnung ngaimi pakhat a si caah thil a cangmi kongah biatak tein kan hlathlai”tiah a chim.

Myanmar ram he in ralkap (millitary) lei hmunkhat rianttuanttinak hi kan donghter/phih ah maw a tthat lai? timi hi biatak tein kan kan ruah cang” Russia Presidential Security office spokesman Dmitry Peskov nih cun Moscow-i journalist hna sinah a chim. Ralkap nih hramhram in uknak an lak hnu in ralkap uknak duh lo lamzawtu hi nihin tiangah minung 70 leng nunnak a liam pinah minung 2000 tluk hrawng tlaih an si cang. Credit: People Media.

Relchih: Chinram siizung ralkap nih hmunhma an lakmi kongah (CRCH) nih nuhlonak cathanh an chuah! Hakha- Falam- Tedim-Matupi le Mindat khua hna i mizapi siizung hna cu ralkap nih March 13 ah CDM nan ngol lo ahcun chuak dih ulaw kanmah nih ttuanvo kan lak lai tiin an chuahter hna i, cu ti cun ralkap nih cun hmunhma an lak.

Kawl ralkap nih hmunhma lakmi le rianttuantu dihlak le mizaw pawl an tthawl dihmi hna kong ah CRCH nih duhlonak cathanh a chuah. Ralak nih mizaw tiang in an tthawl hna ruang ah Salai Aung Lin Tun (Kum 26) zong a nunnak a liam i, siizung pawl in arianrannak in ralkap chuak dih u tiah cathanh ah an langhter colh ve.

Leave a Reply