Breaking News: Rihkhawdar Kahdohnak Ah A Thi Mi Ralkap Ruak Hna Cu Helicopter Nih Thiar A Timh

Myanmar News

Breaking News: Rihkhawdar Kahdohnak Ah A Thi Mi Ralkap Ruak Hna Cu Helicopter Nih Thiar A Timh. Nizan August 10, Falam peng India Myanmar ramri, khua Rihkhawhdar No.2 sang, Ṭio tiva kam tlangcung i kahdohnak ah SAC ralbawi pakhat telh in ralkap 5 a thimi hna ruak cu nihin August 11, chunhnu ah SAC ralkap helicopter nih thiar a timh hna tiah theih asi.

May be an image of mountain, sky and tree

Ṭio khuachung ummi pakhat nih Nihin August 11 chunhnu ah SAC ralkap helicopter pakhat Ṭio khuachung ah a phan, a zuan thawng cu voi dang kel a lo lo, a thawng a dai ngai. Nizaan i a thimi mi ralkap hna ruak lak an timh tiah kan theih. Atu zaanlei suimilam (3:00 india times) tiang ah helicopter cu a kir rih lo tiah The Chin Post ah a chim. Nizaan August 10 kahdohnak ah SAC ralkap ralbawi pakhat telh in ralkap 5 an thi i, ralkap 4 nih CDM an tuah tiah theih a si.

Thawngdang Chaung U Ah SAC Ralkap Bom Puah Hnawh An Tong, 14 An Thi. Chaung U ah SAC ralkap bom puah hnawh an tong, 14 an thi. Sagaing ramṭhen, Chaung U peng August 10 ah SAC ralkap pawl bom puah hnawh an tong i 14 an thi tiah Chaung U PDF nih a thanh. Ani August 10 zinglei sml 6:35am ah Chaung U lentecelhnak certual le Se-Myaung zung ah hmunhma a khuarmi SAC ralkap cu JAMMER in ralkap 30 hrawng ke in ralkap 15 an si.

Ralkap 45 hrawng Chaung U in Khinmon khua lei ah bomrap thianh ding in an chuak i Aungchiantha khua le Khinmon khua karlak ah bom puah hnawh an tong tiah theih a si. SAC ralkap pawl cu Khinmon khua pawngah a ummi cinthlak dum pawngah bom puah hnawh an tong chap i SAC ralkap 14 an thi, tampi an i hliam tiah Chaung U PDF nih a thanh.

Thawngdang Magway ramṭhen, Myaing peng thlanglei ah rallam a sialtu SAC ralkap pawl nih nizan August 10, zinglei sml 7:00 ah Paukpin kaing khua cu an khangh caah inn 38 a ciam, tiah M.V.P Revolution Force nih an thanh. SAC ralkap pawl cu August 9 chun sml 12:00 hrawng ah Paukpin kaing khua an phan i, a thaizing August 10 ah inn an khangh i inn 38 a ciam. Khuami pathum cu lam hmuhsaktu ah an tlaih hna i, zanlei ah an thlah ṭhan hna, tiah theih a si.

Paukpinkaing kiangkap khuami hna cu a himnak hmun ah an zaam dih. Nihin August 11 zing sml 7:00 hrawng ah Myaing peng, Pantaingtaw khua an khangh ṭhan i, sml 9:30 hrawng ah Nguang khua zong an khangh chap. Thailand Motor Lehnak Ah AThimi Myanmar Mi Hna Chung khar Cu Baht Sing 20 Cio An Pek Hna Lai: Thailand ram ah motor lehnak in a thimi Myanmar rianṭuantu panga chung ah pali hna chungin khar cu Baht sing 5 cio an pek hna lai, tiah Thailand um Myanmar rianṭuantu Embassy zung nih cathanh an chuah.

2022 January 20 ah khan Kanchanaburi ramkulh No. 323 lampi ah aa letmi motor pakhat cu, Tonfa Pham pengkomh in phung ning loin a rami a si i, check gate in kir ṭhan aa timh lio ah motor ngan (ke 10 ngei) nih a pah caah Myanmar rammi panga an rak thi. A thimi pali hna chungkhar ca ah Baht sing 20 cu Embassy zung a phan cang. An chungkhar cu Thailand ah rat hau loin tangka cu an kuat hna lai, tiah theih a si.

Leave a Reply