Breaking News: Ralkap Nih Uknak (Aa-naa) Lakmi Kongah Anmah Ralkap Phu Lila Nih Duhlonak Cathanh An Chuah!

Myanmar News

Ralkap nih Aa-naa laak mi kong ah Aung Pan Khua um Ralkap phu nih duhlonak cathanh an chuah! Ralkap nih Aa-naa laak mi kong ah Aung Pan Khua um Ralkap phu nih February 5 ah duhlonak cathanh an chuah. Hi cathanh chung ah “2021 February 1 ah Myawadi in rampi Uknak Aa-naa cu Senior General Min Aung Hlaing nih a laak cang ti mi kan hmuh ca ah kan lung a nuam lo ngai.

No photo description available.

Hi bantuk in Upadi phung buar in Uknak Aa-naa laak mi cung ah kanmah No. (903) ralram um engineer phu No.2 ralkap phu dihlak le ralkap chungkhar hna nih faak pi in kan dohkalh. Kannih ralkap cu ralkap chung kan luh hlan in mipi ca ah kan nunnak pek in kan humhim hna lai ti mi biakamnak he a lut mi kan si. Ralkap Uknak cu nihin thawk in mizapi he hmun khat ah kan doh ti lai ,” tiah cathanh an chuah. Hi cathanh cu Gyi 48411 Bogyi Kyaw Soe Tun minthut in chuah a si. Ref: Democratic Voice of Chin-DVC

Image result for Aung Pan city myanmar army

Relchh: CHINA LE RUSIA ZONG AN CAWL KHO TI LO. UN Security Council ah Veto Power hmang in Kawl Ralkap a dirkamh pengtu China le Russia cu tutan Ralkap Aanaa ting kong biakhiahnak ah a donghnak ahcun an col kho ti ve lo i. Nihin ah UN Security Council ram 15 an dihlak in Kawlram Ralkap Aanaa tingnak cu kanhkuat (Condemn against Military coup) dingin hnatlaknak vote an thlak viar cang.

Security Council ah mah bangukin ram dihlak kanhkuat tu umloin in hnatlaknak an ngeih khawh mi hi Security Council ah a um bal setsai lo mi asi. UN Security Council nih Kawlram Democracy lam cu a mah bawn ah sisehlaw Ralkap nih nan tlaih mi hna Daw Aungsan Suu Kyi le Upa hruaitu dihlak nan thlah dih hna lai tiah Statement nawl an chuah cang. Ralkap caah lam a pit ngai cang. UN in dirkamhtu ram a ngei ti lo caah Ralkap cu Tapung bantuk an si cang tinak asi. Cakei mei tlaih bantuk an si cang. Zeidah a cang lai, zoh rih hna usih. Credit: Amos Thang Chin

Leave a Reply