VOM nih a langhter ning le tutan nunnak a liammmi Kawl ralkap nih Ma Kyee Sin an cawlcangh ning ruah tikah ngaih a chiatuk rihnghran. A nunnak a lak hleihlei lo ah a thih hnu tiangah hi bantuk tuahsernak an ngaihmi zo tikah chungkhar ca lawng hmanh si loin a theitu mipi ca hrim ah cel ding hrim a si lo.

A luancia March nithum, 2021 ah ralkap duhlonak langhter ruangah sualnak ngei lo an thahmi “Ma Kyee Sin” thlan cu ralkap nih an baoh tiah thawng theih a si. Ma Kyee Sin thlan hi nizan March nili ah khan vuinak tuah a si, sinain a ruak an vuining le atu a thlan um tu ning zoh tikah ah Ma Kyee Sin ruak hi thlanchung ah a um le um zog theih khawh a si ti lo” a thlan um tu ning cu Midea ah langhter a si.

A cunglei kawng he pehtlaiin Ma Kyee Sin ruak kawngah Mandalay hrambunh midea simi “VOM” nih a langhter ning tein kan rak tarlanghter chinmi a si. Biakilh: Hi kongah cattialtu nih lih le ttawnchawm in a ttialmi le a phuahchawm mi si loin source kan langhtermi ning tein ttial chinmi a si. Hi kongah a tanglei bik ah video zong tling tein kan rak tarlangh chih.

Kawlca: မန္တေလး ဆံုးသ မစ၏ အုဂူကို စတဘက ေဖာစေဆးတလို့ မန္တေလးအစိုVOM အုဂူကို အေတေလာထားေပမလ အထဲ ရုအေလာ၊ မ မသိဘူးလို့ လူရ ေရးသားထားတ။

Relchih: Nizan ah Saya Tluang nih ca a rak ttialmi ka rel i Khua tampi a ka ruahter. CDM ah itel a duhmi tampi cu nifatin an pawcawmnak ruah ah an itel ngam lo. A cheu cu an rian sungh thai an ttih ruang ah an itel ngam lo. Miphun le ram dawtnak a ngei lomi caahcun a fawi bak lomi a si.

Asinain Ram le miphun a daw taktakmi hna cu an pawcawmnak an ruat lo. An rian sungh lai zong an ruat lo. An nunnak bak an thap ngam ko. Nihin tiang ah nunnak a chapmi minung 50 hlei an si cang. Ramchung ah a ummi hawi le hna Israel mi hna Egypt ram sal in an luat khawhnak ding caah Egypt ah an ngeimi thilri le sinak vialte kaltak in ttih a nung takmi rili sen tan an rak ithim bantuk in Kawl Ralkap sal in kan luat khawhnak ding ca ahcun sinak kaltak in CDM ah zumhnak he rethei ithim caan a si.

CDM nih aa timhmi cu zungzal in Ralkap tei kha a si. CDM ah kan ipaih viar ahcun fawite in Ralkap cu kan tei ko lai. Ralkap kan tei ahcun zungzal freedom kan hmuh lai pinah tulio Kan rian nakin a ttha deuhmi rian tampi ttuan awk kan ngei te lai. “CRPH hi kan zum hna lo. 2008 phunghrampi remh an duh lo. Dr Sasa cu UN kalning aa fiang rua lo” tbk in thiamco icuh caan a si lo.

Israel warrior nih an tei khawh lomi Goliat cu raltuk experience a ngei lomi David nih a tei bantuk in Dr Sasa hi Pathian nih a hman ahcun experience ngei tampi nakin rian a tuan kho deuh te lai. Cucaah thlacam in bawm ko hna usih! Min Aung Hliang nih Aana a ting nak a ruang cu 2008 phunghrampi remh khawh ding a si cang caah cucu a ttih i, hruh-hrulh-hram-hram in aana a lakmi a si. Cucaah CRPH kan ngeih hi Ralkap teinak caah a thabik mechanism a si i, kan tei khawh ahcun 2008 phunghrampi cu a mui hmuh awk hmanh a um te lai lo. Cucaah lunghrinh awk a si lo. By Zasang Cinzah