Breaking News: Ralkap uhnak tang nawl ngeitu nih tuzan Thlantlang thimnak Comission zung haotu, chungtuan Salai Khin Aung Ling @ Sang Sang le Hakha Comission zung haotu Pu Thla Kio Lian an tlaih hna tiah kan theih.

Thantlang in an tlaihmi hna zong Hakha lei an ratpi hna. Kawlrawn lei ah thimnak Comission riantuantu tampi an tlaih cang hna tiah kan theih. Source: The Chinland Post

Relchih: Ramchung Ralkap Uknak Do-autu Laihawi Caah Facebook Public Post in Friend Post Ah. Nanmah nawl hirhiar a si. Ralkap uknak do-autu Laihawi nih Facebook in nan hmanthlak nan tar ah khan. Asinain “public post” in na hmanthlak na chiah ahcun ahopaoh nih na hmanthlak an hmuh khawh lai caah Kawl ralkap le palik nih a hnu ah tlaih le khih khawhnak evidence ah na hmanthlak kha an hman khawh men.

Cucaah ‘friend post’ in na chiah ahcun na friend vialte nih an hmuh khawh tthiam ko lai caah na friend ah Kawl ralkap le palik an i tel lo paoh ahcun na caah a him deuh hrim lai. Kan caah a ttha lomi pawl nih kan cawlcanghnak nehnang an dawi khawh lo nakding ah ka hun tial na theihcia a si ko lai nain. Salai B. Chan Khar

Relchih: Miphun lungrual Caan/Time to be united! Naite ah ziah MPs le politicians vialte nan daidep! Tubantuk caan ah nan ithup tiah ka uhttanh tuk hna hna caah fakpi in ka zai hnawh hna. “Kan dailo hrim lo e. Kan si khawh tawk tein kan cawl cio ko” tiah an ka ti. Nizan ah Hakha lei ka chawnh hna i upa tampi nih sandahpiah an telpi hna timi zong ka theih.

Kawlram ah a tthawngbik hi Ralkap an si naisai lo. A thawngbik cu “Mipi” hi kan si. Kawlram ah millions 54 minung ka um i, cu chung ahcun Ralkap cu 350,000 hmanh an tling lo. Milu tlawmte ralkap lu-bo Min Hlaing le Than Shew tbk nih a thawngbik millions mipi an uk khawhnak cu mipi pawl kan lung aa rual lo caah a si.

Cucaah Ralkap nih Mipi lungrual lohnak hi an thazaang a si i, cucu an hngalh tuk. Cucaah, divide & rule system hi hriamnam ah an itlaih peng rih. Tutan Aana- an tingmi zong ah a rannak in Opposition Party paoh an sawm colh hna. Hriamtlai phu NCA an sawm colh hna. NLD le Mipi karlak ah itthennak an tuah. NLD le tlangpar Party vialte karlak ah idannak thlaici an tuh colh. Hriamtlai vialte nih NLD le Mipi hnulei in an dir lonak hnga an lem colh hna.

Cucaah tutan ah a biapi bik in hngalh a herhmi cu, Ralkap nih Kawlram mi millions 54 renglo kan ifun dingmi hi an ttih tuk. Cucaah kan lung aa rual lonak ding a phun phun in propaganda an tuah lai. Mipi nih CNF/CNA kan in hlam hna tikah Mipi nih an kan bochan tbk in ruat u. MPs le Politicans nan dai e, nan ithup e kan in ti hna tikah Mipi nih an kan bochan caah tiah ruat u! Tutan lio caan hi lungrual caan a si. By Zasang Cinzah