Breaking News: Ralhrangbu Nih Mehhang A Zuar Mi Nupa An Kah Hna Fapawi Lio Nu A Nunnak Liam. Nizan September 1 ah Mon ramkulh Pawng peng Tein khua ah meh kawlnak in a rak tlung mi nupa hna cu ralhrangbu nih an kah hna ruangah nau apawi lio mi a nupi nih cun nunnak a liam pin ah ava pa zong hliam a tuar tiah khuami sinin theih a si. A nunnak a liam mi nu hi kum 27 mi Thwe Moe hi thla 5 mi nau a pawi lio mi a si i, ava pa hi U Dei Min Nay Lwin kum 29 a si caah amit le ake ah hliam a tuar inn Pawng sizung leiah an chiah hna.

 

Hi nuva hna hi an meh kawlnak in September 1 zaan suimilam 10 hrawngah an rak tlung i an inn pawng an phak ah ralhrangbu hna cu dat mei in an ceuh sual hna ruangah an kah mi hna a si tiah khuami pakhat nih a chim. Hi kong he pehtlaihin khuami pakhat nih Kataik khua konh chungah ralhrangbu nih zaan petroling an vah lio ah an kah mi a si. Meithal zun 10 hrawng in an kah hnuah an kaltak ko. Zeihmanh ah an rel lo a Fanu kum 4 pakhat an ngei tiah a chim. The chin Post

Thawngdang India le Myanmar pehtlaihnak caah Lawngtlai district in Kawlram lei luhnak lam cawh lio mi Kaladan Multi Modal Transit Transport Project cu 96. 21% a dih cang. KMMTTP lam hi 2010 October 12 ah hramthawk a si i, Mizoram chungah km 99. 830 lam cawh dingin budget rupees 575. 96 crore tuak a si nain zohthan a si hnuah lam cu km 90.820 ah thumh a si i, budget estimate crore 677. 20 ah a kai Lam hi fun package pathum ah then in tuan dingin timh a si i 2016 June 11 ah dih dingin timh a si nain atu ah 4% hrawng a tang rih tiah theih a si.

Lampi caah ram an lak hrawh ruangah compensation kong hi Anti Corruption Bureau ACB nih hlathlainak an tuah mi a si i, 2020 kum donghlei ah khan an thil hmuh ning cu court ah a voi 2 nak chargesheet pek than asi. PWD chief engineer highways Lalruat kima nih vang laini sin ah a chim ning ahcun, KMMTTP cu 96. 21% kan dih cang.Tuan ding a tangmi ah hlei pakhat donh ding lawng rian har mi a um cang. Hlei 7 kan donh cang i, a tang mi cu lam kauh le dawhter deuh hna lawng a si cang. The chin post