Breaking News: Ralhrangbu Nih Dr. Sasa Min In Thil Tha Lo Taktak An Tuah

Myanmar News

Kawl ralhrang le a dirkamhtu phu pawl nih Dr. Sasa pumpak min le CHRH min hmang in mipi hlennak, a dik lomi thawngpang tlangzarh nak an tuah lengmang tiah Mizzima News nih tha tein hlathlainak a tuah hnu ah a tarlangh. Kawlram mipi hlen khawhnak ding ah le a dik lomi thawngpang in mipi thluak ttawl khawhnak ding, cu pin ah Dr. Sasa le CRPH le NUG Cozah a minchiat nak ding ah a phunphun in thawngpang dik lo an tarlangh ti asi.

Myanmar special envoy: It is time for the world to stop another genocide - CNN Video

A taang hmanthlak ah kan langhter mi, Dr. Sasa le CRPH dirkamhtu phu pawl timi min in Facebook group an tuah i cu ahcun mipi lei hlen khawhnak cabia le thawngpang heh tial an i zuam hi asi. NUG Cozah nih Kawlram phaisa thar a ser cang lai caah nan inn ah nan ngeih cio mi phaisa dihlak ah mei in khaang cio hna usih” tiah tutan zong ah lih in mipi hlennak le forhfialnak ca an tial tthan hi asi.

 

Ralkap nan duh lonak, Min Aung Hliang le a ralkap pawl dohnak langhter nak caah le NUG Cozah kan dirkamh ti nak caah Phaisa vialte mei in khang dih hna usih, atu hi NUG Cozah nih phaisa thar ser ding in a timtuah cang” tiah lih bak in mipi hlennak thawngpang an tarlangh hi asi. Mah konglam hi khuaruahhar ngai.

Thawngdang Google nih Aghanistan cozah nawlngeitu hlun hna email account cheukhat hna cu Taliban lak ah an him khawhnak dingah a phih piak chung hna tiah theih a si. Taliban hna nih Afghan cozah hlun riantuannak le ramdang he pehtlaihnak digital document pawl ngeih ding le an duh lo mi hna an tlaih khawh dingah an account hna cu fir an timh tiah theih a si.

Hi kong he pehtlaih in google nih Afghanistan dirhmun hi kan ngiat lio pi a si. Taliban hna nih Afghanistan cozah hlun riantuantu cheukhat hna account cu fir piak an timh ruangah rianngeitu hlun cheukhat hna account hi kan khar piak chung mi a si tiah Reuters sin ah a chim Taliban pawl nih vuanci zung riantuannak vialte cu a ningte in chiah dingin an kan ti. Mahti kan chiah ahcun vuanci riantuannak vialte an lak dih ko lai tiah a ti.

Reuters nih a chim ningah Afghanistan cozah hlun i president office telin finance, industry, education le mines ministry telin ministry 20 leng nih pehtlaihnak google server an hman i, foreign ministry le agency dang vialte nih Microsoft email software an hman tiah a ti. Mah lawng si lo in Taliban pawl nih US nih a rak bunhcia mi digital infrastructure vialte cu control dih a timh lio a si i,hi nih a ngah ding mi information hna cu Taliban hna caah man a ngei taktak mi a si tiah internet intelligence pakhat a si mi Domain Tools in security researcher Chad Anderson nih a chim.

Taliban nih nawlngeihnak an lak hnu vawleicung ram hna mithmai tha co nak ding caah a hlan bantukin cawlcanghnak kan tuah lai lo an ti nain, tu nai hrawng thawkin Kabul le hmun cheukhat ahcun mithah, lainawnnak tuah hram an thawk hoi cang tiah New York Post nih a tial.

Leave a Reply