Breaking News: Ralhrang Riankhinh Thah A Tong Ralhrang Bawi Bomb Nih Puah Chap Rih. Yangon Hlaingtaya (လွိုင္သာယာ) in ralhrang phu rianpek mi khuabawi U Tin Mawng Win thah a tong, cu thil checkhlat ding ah a kal mi ralhrang bawi bomb puahhnawh a ton caah hliam a tuar. Yangon ramthen, Hlaingtaya (လွိုင္သာယာ)peng no.20 sang khuabawi U Tin Mawng Win cu nihin zinglei suimilam 8:00 hrawngah meithal kah in thah a tong. Cu thilcang kong hlathlainak tuahtu ding ralbawi pakhat cu bomb puahhnawh a si caah hliam a tuar tiah HTY Information nih an langhter.

Yangon ramthen, Hlaingtaya (လွိုင္သာယာ)peng September 2 zinglei suimilam 8:00 hrawng ah no.20 sang,Minkyawsua(မင္းေက်ာ္စြာ)lam 7 nak um veng bawi pakhat asi mi U Tin Mawng Win cu meithal kah in thah a tong, cu thah a ton nak kong hlathlai nak an tuah lio ah bomb pahnih a puah caah ralbawi pakhat hliamh a si tiah HTY Information nih an langhter.U Tin Mawng Win cu ralhrang phu hna nih rianpek i cohlang mi khuabawi lei chungtel pakhat a si.U Tin Mawng Win nih ralhrang phu sin thawng pek ruang ah tlaihkhih a tongmi an um hna tiah khuami pakhat nih a chim. The chin post

Thawngdang Sagaing ramthen Kalay hrambunh mi Regional Operation Command (ROC – ဒကစ ကေလး) kut tang ralhlang 20 an zaam ruangah ralhrangbu nih fak piin an kawl cuahmah hna tah theih a si. Hi kong he pehtlaih in Kalay PDF chungtel pakhat nih ‘venhimnak caah tiin August 31 zinglei suimilam 6/7 hrawngah Thauhkyat (ေထာက္ႀကံ့) le Sitar (စည္သာ) khua pawngah an rak chiah hna mi chungin 20 an zaam.

Kan sin ah pehtlaihnak an rak kan tuah i, tuan ahcun kan zum lo nain, ralhrangbu tampi helicopter he, vawlei lei he an kawl mi kan theih hnu lawng ah kan zumh mi a si tiah a chim. Kalay khuami pakhat nih a chim ningah mawtaw he helicopter he Kalay thlanglei vialte an cul dih.Tuan ahcun PDF pawl an kawl hna rua tiin kan ruah ko.A zaammi hna hi atu cu hmunhimnak an phan cang tiah Khit Thit Media ah a chim. CDM ralkap hna nih an chim ningah ralhrangbu a chuahtak i CDM a tuah mi ralkap 2000 hrawng an si cang tiah theih a si.