Good News: Ralhrang phu khah-lah-yah Lei 104 in minung 28 Cu An Hriamnam Tihnung Taktak He An Zam. Hramhram nawlngeihnak la tu ralhrang phu khah-lah-yah(104) in ralhrang minung 28 nih an hriam tling nih riahbuk an chuahtak i mipi lei ah an dir. Taningtari ram then Thawai ah umhmun khuarmi ralhrang phu khah-lah-yah 104 hna hmunhma tlangcung riahbuk Myakhapat khua, Labawngtawng riah buk in ralkap minung 28 nih an hriam tlamtling he zaam tak, mipi lei tang ding in tiah cuka hmunhma thawngzamhnak nih a langhter.

Nawlngeihnak la tu ralhrang phu khah-lah-yah (104) in sakhan chuahtak mi ralkap hna cu Lawnglung peng nitlak lei tiang ralhrang phu minung thazaang tampi nih an kawl hna tiah cu cathanh ah cun an langhter. Mahtluk thawngpang tha cu aum tuk ti lai lo kawl ram ah cun rak share cio piak hna usih!

Thawngdang Taliban nih Afghanistan cozah supreme leader Haibattulah Akhanzada cu rian an khinh hnu cozah dirh dingin timhtuahnak an ngeih lio ah China cu zumh awktlak mi hawikom tha a si tiah a thanh. Hi hi kan hnu September 2 ah Taliban hruaitu hna le China cozah tuan vo ngeitu hna Afghanistan kong le thanchonak kongah phone in an i chawnh hnuah a thanh mi a si. Hi kong he pehtlaihin Doha zung i Tali ban deputy director Qatar Abdul Salam Hanafi nih Taliban nih kan pawngkam ram hna he riantuanti kan duh bantukin China nih a timh mi the Belt and Road Initiative zong kan colhan.

Taliban nih China he pehtlaihnak tha zong ngeih chinchin kan duh, China ram hnahnawhnak a pe kho mi zei bu paoh kan ramchungah um kan sianh lo tiah a chim. Belt and Road hi China ram le Asia, Africa le Europe ram i chawlet hawi ram 60 kar pehtlaihnak caah China nih a timh mi a si.Hi kong he pehtlaihin Fox News nihcun China nih hin Afghanistan ram in Copper le Aluminium ti bantuk vawlei chuak thil mansung hna a duh ruangah a si.

Afghanistan nih cawh rih lo mi vawlei tang thil mansung dollar 1 trillion man leng a ngeih lai tiah a ti. Taliban chimnak nawlngeitu Zabullah Mujahid nih China cu kan caah a biapi ngai mi hawikom ram a si i, mah nihhin hlawknak tampi a kan pek lai. Zeiruangah ti ahcun investment he ram sersiam kan timh lio a si caah a si’ tiah a ti.