Breaking News: Ralhrang Nih Bawmh Nak An Pek Mi Cu Pastor Pa Nih Akhirh Than Cang. Sept 5, nizan ah Ralhrang nih pastor pakhat ah Kyat 18000 bawmhnak an pek mi cu September 6 ah an khirh hna tiah theih a si. Bawmhnak khirh than tu khrihfa bu hna cu Golspel baptist church, Salvation Army, Revival Baptist Church, Ebenezer Baptist Church, BPC (Biblical Presbyterian Church), EMC (Evangelical Methodist Church) hna an si, RC nih cun bawmhchanh nak ni ah khan kan cohlang lo tiah an chim.

LCJC – Living Church of Jesus Christ bu nih bawmhchanh nak phaisa an khirh le khirh lo theih a si lo na in JCC khrihfa bu nih cun an khirh rih lo tiah theih a si. Revival Baptist bu in Rev. Run Siang Mang nih Ni zaan ah ton biaruah nak ngei ding in sawm kan si, a hmun kan phak tik ah bawmhchanh nak phaisa pek caan hmannak an ser caah el ding ah a tha lo ton pumh lio ah khirh ding in ruah asi ko nain an rian a buai tuk caah khirh thiam a silo.

Ni hin zing ah phaisa khirh kan duh tia vuanthawk cu phone chawnh a si na in, cunglei in fial ning in kan tuah mi a si caah, ca kan tial piak ati bawmchanhnak phaisa pek cu lawmh a si ko nain cohlan ding a si khawh lo caah tiah an ca bawm pekmi ningin zung cazi nu sin ah kan ap than  tiah a chim.

Cu bawmhchanhnak phaisa cu Falam khuachung in members tambik nak bu Falam Baptist Church chung in khuate lei khrihfabu pastor pakhat hmanh an i tel lo tiah theih a si. Cun Hakha peng pastors hna nih ralhrang bawmhnak cu an el nain, Covid zawtnak runvennak ding caah hlutding ti a si ahcun kan ruah ko lai tiah an chim. Mindat peng pastor hna nih cun ralhrang bawmhnak cu lak rih loin kan i ceih ta lai tiah an leh hna.