Breaking News: Ralhrang He Tonbiaruahnak Ngei Ding In SSPP Cu Naypyidaw An Phan

Myanmar News

The Chin Post: SAC He Tonbiaruahnak Ngei Ding In SSPP Cu Naypyidaw An Phan! Shan State Progress Party(SSPP)/ Shan State Army(SSA) palai hna cu SAC ralkap nih ramchung daihnak ding tonbiaruah sawmnak ah i tel ding in nizaan August 2 ahkhan Naypyidaw an phan cang, tiah theih a si.

May be an image of 16 people and people standing

SAC ralkap he biaruahnak ngei ding in Shan State Progress Party(SSPP) Vice Chairman 1, General Khe Tai le Vice chairman 2, general Khun Sai hruaimi minung 10 hrawng le SAC ralkap hruaitu Min Aung Hlaing leng ah committee chungtel hna he August 4 ah biaruahnak an ngei lai, tiah theih a si.

hawngpang dang: SAC Ralkap Nih Rakhine Ram Chung Ah Minung 60 Hrawng An Tlaih Cang Hna!: SAC ralkap nih June thla le July thla chung ahkhan Sittwe Myauk U Kyauktaw Minpia Palatwah Kyaukphyu Maungtaw Yatehtawng le Pungnakyun khua hna in minung 60 hrawng cu an tlaih hna, tiah theih a si. Tlaih a tongmi hna chung in minung 15 hrawng an thlah ṭhan hna.

Tlaihkhih a tongmi hna cu ramchung buainak a chuahtertu an si tiah sualphawt in tazacuai mi zong an um i, tlaih ton hnu ah a tlaumi zong an um, tiah theih a si. Atu bantuk in SAC ralkap nih hriamtlai phu he an buainak ruangah tualchung mi hna telhchih in tlaihkhihnak le tazacuainak a tuahmi hi an ngol a hau, tiah Rakhine nuhrin covo lei rianṭuantu phu in director U Myat Htun nih a chim. “SAC ralkap nih an tlaih mi hna cu sualnak phunphun kawl in sual an phawt hna.

An Tlaih hna tikah ningcang lo in bia an chimter hna i, rallam sialnak hmun ah an i kalpi hna i ralphaw ah an hman hna. An tuahto hna ning cu nuhrin covo he aa kalh mi a si,” tiah a chim chap. August 1 ah SAC ralkap nih Kyauktaw khuami 3 an tlaih hna hnu in August 2 ah Arakan Army(AA) nih Maei peng hmunram uktu pakhat an tlaih ve caah kaphnih kar boruak a linsa ngai, tiah theih a si.

Leave a Reply