Breaking News: Ralhrang An Lungrethei Tuk Cang Pyi Pengkomh Chungah Mino Ralkap Caah 30 Pek Dingin An Hal Hna. Pago ramthen nitlak lei, Pyi pengkomh khua cheukhat hna cu khuami mino pa asi mi khuakhat ah minung 30 pek ding in khuabawi hna sinin ralhrang phu nih an hal hna tiah theih a si. The Kone peng chung ah khuabawi pakhat nih ralhrang hna nih khuachung um mino hna pek ding in an na hal.Khuakhat ah mino pa a si mi minung 30 nan kan pek lai an ti.

 

A dang mino hna ahcun mino hna Pawta an phurhter hna tiah kan theih tiah a chim. Pyi pengkomh chung ah Shwe Tuang peng le The Kone peng lei ah khua cheukhat mino hna cu ralhrang phu hna nih Pawta an phurhter hna tiah khuami hna nih an chim nain thawngfiang a si le si lo kan thei rih lo caah fiang tein kan chim kho rih lo tiah DVB nih a tial.

Thawngdang Mizoram nih Bangladesh chawlehnak lam hlawhtling dingin i zuam lio a si i Mizoram legislative Assembly session ah Mizoram in Mizoram Tlabung in Bangladesh lei luhnak Bangladesh he chawhlehnak lam cu a hlawhtlin khawhnak dingah kan i zuam lio a si tiah commerce and industries minister Dr. R. Lalthangliana nih a chim.

Dr. R. Lalthangliana nih Indo-Bangla border trade cu Tlabung area Kawrpuichhuah tan in a kal khawhnak dingah zeimaw zat cu a tlamtling cang. Ram eka 21.5 kauh cu Land Port Authority of India LPAI Ministry of home affair sin ah pek dih a si cang. LPAI sinah ram kan pek mi ah village council VC pass periodic patta nei an um caah Lunglei DC nih tawlrel dingin theihter a si. LPAI contractor hna nih zohfelnak an ngeih lai i, tukum chungah rian awtcolh dingin kan i zumh tiah a chim. Covid-19 ruangah caan saupi khar cang mi Indo-Myanmar border trade belte cu international border trade hi central cozah nawlngeihnak tang a si caah central cozah nawl ngaih lio a si tiah theih a si.