Vuangtu khua ah Ralbawi Thein Aung Kyaw nih Vuangtu khuammi inndawng 3 sinah phaisa ting 13 ningcang loin a hla tiah thawng kan theih. Zeiruangah dah Phaisa hi a hal timi zeihmanh theih khawh a si rih loh. Hi kong he pehtlai in Salai Dokhar nih a tanglei bantukin a langhter.

Breaking news: Vuangtu khua ah Ralbawi T,hein Aung Kyaw nih Vuangtu khuami Inndawng (3) sin in Phaisaa Ting (13) ningcaan loin a hal hna tiah khuami nih phone an ka chawnh. Ralbawi pa cu phone ka chawnh peng ko nain power off a ti peng caah tutiang ka chawn kho lo.

Zeiruang ah Ralkap nih nihin Democracy chan kan timi tiang ah phaisa ning cang loin an hal thiam. CNF/A le Ralkap remdaihnak sign(minsen) a thutmi an buar si lo maw? Lai media pawl nih va kal hnawh ulaw interview kan tuah piak kho hna law a tha ngai hnga. Cun Hluttaw palai pawl zeidah nan tuah peng mipi an tuarmi kong ah zuanhnawh lein cu nan daithlang ngai Tender bawh company pawl he rian tuanti lawng hi na thlihrang hlah seh. Source: Salai Dokhar

US bawmhnak kong thawngpang rak rel chih: Minung Pakhat Nih Stimulus Check $600 Cio Ngah Si Lai. Congress palai pawl cu weekend zongah din loin meting an tuah hnu ah US$900 billion economic relief package cu White House, Republican le Democrats hruaitu hna lungtlinnak an ngei cang.

Mah lungtlin mi chungah minung pakhat nih $600 cio pek dingmi zong a tel chih. Asinain kum khat ah minung pakhat nih US$ 75000 nak tlawm a hmumi lawng nih an co lai. Kum khat hmuhmi income $75000 a ngahmi nuva nih fa pahnih an ngeih chih ahcun $2400 an ngah khawh lai tinak a si. Thaizing ah zeitik ah dah Stimulus Check an kuat lai timi fiang deuh in an chim te lai.

Rian ngei lomi unemployment benefit a ngahmi cu zarhkhat ah federal nih US$ 300 pek chap an si lai. Small business a tuahmi hna caah $300 billion an thlak piak hna. Mah hi cu small business a tuahi pawl nih sawk dingmi a si.

Tu zanlei ah Senate hruaitu Mitch McConnel nih hnatlaknak an ngei cangnak Washington Post ah a chimmi a si. Atu an chuahpi mi bill hi kap hnih lungtinnak a si cang caah fawi tein senate le house nih tuzan asiloah thaizing ah an pass colh lai tiah zumhnak an ngei.

Congress nih an pass mi cu President Donald Trump nih min a thut lai i fehter colh a si lai. President Donald Trump nih cun minung pakhat nih $1200 in $2000 tiang pek ding an si tiah a ti. Nan hawile a thei lomi caah rak share chin te ulaw. Source: Salai Lairamthang