Breaking News: Pyi Bago ramthen nitlak lei Ah Bomb Voihnih Apuak Ceilak In Ralhrang An Thi

Myanmar News

Breaking News: Pyi Bago ramthen nitlak lei Ah Bomb Voihnih Apuak Ceilak In Ralhrang An Thi. Bago ramthen nitlak lei, Pyi(ျပည္) khua, Muyapin sang Khattaya city hall lei palek riahbuk ah nihin September 6, chunhnu suimilam 2:30 hrawngah bomb voihnih a puak tiah theih a si.Cu puahkehnak ruang ah ralhrang phu lei in minung 3 an thi, minung 5 leng nih fakngai in hliam an tuar tiah khuami hna nih an chim.

Chunh nu suimilam 2:20 ah riahbuk cu kutchenh bomb in an cheh. Ralhrang phu hna an phanh zaanlei suimilam 3:00 hrawngah a caan in tuahmi bomb cu a puak. Ralhrang lei in a thi mi le hliam tuar mi an um.Kan nih cu a himnak hmun kan phan cang”tiah Pyi khua mipi vengtu phu in biachimnak nawl ngeitu nih a chim. Bomb a puah hnu ah ralhrang phu hna nih cu ka hmun cu an phih leng ah hmunkip ah checkhlatnak an tuah tiah theih a si. The Chin Post

Thawngdang Kawlram chungah a luancia August thlachung ah puahkehnak a chuak mi dihlak hi voi 134 tiang a cang, cu puahkehnak chung ahcun nunnak liam mi dihlak hi minung 22 an si. BBC nih checkhlatnak an tuah mi chung le cazin an tuah mi ah nunnak a liammi hna tamdeuh cu, ralhrang phu chungtel an si, cun khuachung mipi lei zong in an si i, cozah riantuan pakhat le ralhrang sin thawngpe tu tiah ruahmi pakhat zong a tel.

Puahkehnak a chuahnak hmun tamdeuh cu palik riahbuk le ralhrang nih mi checkhlat an tuahnak gate hna an si, cun ralhrang phu hna he pehtlai mi zung, sipin zung le sanguk tu zung hna an si. Kawlram chung puahkeh a chuahnak hmun chungah Yangon khuachung in voi 50 leng tiang puahkehnak tambik a chuahnak hmun a si. Cun a pahnih nak ah Magway ramthen hi a si.Cun puahkehnak tambik a chuahnak ramthen cu Sagaing ramthen le Mandalay ramthen hna an si.

Cun a luancia thla chungah ramchung nam in thah/nawn nak le meithal kahnak in nunnak liammi dihlak hi minung 120 hrawng an si. Cu chungah cun ralhrang phu chungtel hna le, khuachung upa hna le, USDP party chungtel hna, ralhrang sin ah thawngzamh tiah ruahmi hna le khuachung mi hna an i tel.

Leave a Reply