North Korea President KiM Jong Un kong cu social media ah a hung lar ngaingai. Zeitindah an ti ti ah cun, North Korea President Kim Jong Un thi tiah thawngpang a hung lar ngai. Thawngzamhtu (media) hna nih Kim Jong Un cu a ngandamnak ṭhat lo ruangah Surgery ai tuah tiah an chim ve.

Cuticun caan sau nawn konglam theih loin an um hnuah a hung lang ṭhan cang. Salai Lairamthang nih a ṭialmi rak rel. Kim Jong-un A Chuak Than. North Korea Supreme Leader Kim Jong-Un cu ni 20 renglo a tlau hnu ah a rak chuak than tiah Yonhap news Agency nih tuchun ah a tial. North Korea ram Suncheon Fertilizer Plant an tuahmi onnak puai ah a hung chuak an ti.

Ni 20 chung a tlau ruangah thawngpang a phunphun a chuak. A thi cang a ti hna, a thluak riantuan ti lo a ti hna, caan sau a nung ti lai lo an ti hna, coronavirus ruangah ram kideng ah a rol i a tlanglawng pi a dinh zong kan hmuh a ti hna a phunphun in an chim. Asinain tuchun ah ni 20 chung a tlau hnu ah a voikhatnak a hung chuah hi a si tiah Yonhap news agency nih a tial. Source: Salai Lairamthang