Breaking News: PDF Yesagyo Nih Cahmi Hriamthil Tlaih Atong. PDF Yesagyo nih cahmi hriamthil tlaih a tong People Defense Force Yesagyo nih nih cawkmi thilrii pawl lampi ah tlaih a tong timi thawng pang cu a dik ko tiah PDF-Yesagyo nih thawng a thanh. Tlaih a tongmi hriam nam pawl hi PDF pawl nih sa zong ei ngam lo tein khawnmi a si i a baumi zong cawi chom in cawkmi a si tiah a thanh.

Tlamtling tein a phak lai ah mawṭaw a rawh ruangah check a tong tiah cathanh ah an langhter. Hriam tlaih a tonmi kong he petlai in bawmh nak kan pe rih ko uh tiah PDF-Yesagyo nih a thanh. Magway ramṭhen, Yesagyo khua in Bago khua ah kuatding mi KA 25 zuun 22 kuan 4,000 kuanbawm 40 tlaih a si tiah June 6 ah SAC leiṭang thawngzamh pawl nih an langhter.

Thawngdang Zualko: Nizaan kong Apoituk Ee! Kyaukpadaung Ah SAC Ralkap Nih PDF 2 An Thah Hna! Mandalay ramṭhen Kyaukpadaung peng Bote khua ah mizapi vengtu ralkap PDF 2 cu SAC ralkap nih an tlaih hna i, a luancia June 4 ah an nunnak an laak hna tiah khuami hna nih an chim. Bote khuami kum 20 hrawng mino pahnih Minchan University a kai lio mi siangngakchia Hein Zeyar Phyo le Hein Zeyar Oo hna cu ramlak ah an ruak in hmuh an si i, meithal in kah an si tiah an ruak a hmutu pakhat nih RFA nih a chim.

Mino pahnih hna cu sianginn an kai ti lawng kan theih i PDF an si kan hngal lo. An tlaih hna hnu ni 3 nak zinglei Sml 4:00 hrawng ah atu hi bantuk in an ruak char a si. Tlaih an si lio ah hin chungkhar lei zong nih tonnak nawl an ngei lo i, Khuami zong thawng an kan thanh lo. Hein Zeyar Oo cu a lu ah an kah i, Hein Zeyar Phyo cu a thin zawn ah voi 3 meithal kahnak hmuh asi.

A luancia June 2 ahkhan mino 2 hna hi Letpan Phya khua lei ah rawl an va ei lio ah Letpan Phya palik nih an rak tlaih hna i, an phone chung ah PDF he a pehtlai mi an hmuh tiah an chim. Cu hnu ah an 2 cun Palik sakhan in Tatmah 99 ah an kuat hna i ramlak i rallam riakbuk hna pakhat ah hri in an ṭem hna i, an kahthah hna tiah an ruak a hmutu nih cun a chi